കൂത്തുപറമ്പ്: കോട്ടയം മാതുക്കാവ് വെള്ളി, ശനി, ഞായർ ദിവസങ്ങളിലായി നടക്കുമെന്ന് ഭാരവാഹികൾ അറിയിച്ചു. വെള്ളിയാഴ്ച രാവിലെ ആറിന് നടക്കുന്ന പുനഃപ്രതിഷ്ഠാകർമത്തോടെയാണ് ചടങ്ങുകൾ ആരംഭിക്കുക. വൈകീട്ട് നടക്കുന്ന സാംസ്കാരികസമ്മേളനം മലബാർ ദേവസ്വം ബോർഡ് പ്രസിഡൻറ് ഒ.കെ. വാസു മാസ്റ്റർ ഉദ്ഘാടനംചെയ്യും. തുടർന്ന് കലാസന്ധ്യ നടക്കും. ഞായറാഴ്ച വൈകീട്ട് വിവിധ തെയ്യക്കോലങ്ങൾ കെട്ടിയാടുന്നതോടെയാണ് ഉത്സവം സമാപിക്കുക. വാർത്തസമ്മേളനത്തിൽ എം. സുരേന്ദ്രൻ, ജിതേഷ് പണിക്കർ, കെ. പ്രജേഷ്, പുരുഷോത്തമൻ, അത്തോളി ശശി എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.