കണ്ണൂർ: ബോണസ് അനുവദിക്കാത്തതിനെ തുടർന്ന് ജില്ലയിലെ പാചകവാതക വിതരണത്തൊഴിലാളികൾ പണിമുടക്കിലേക്ക്. വ്യാഴാഴ്ച മുതൽ പണിമുടക്കുന്നതിനാണ് തൊഴിലാളികൾ തീരുമാനിച്ചിട്ടുള്ളത്. 2016-17 വർഷത്തെ മൊത്തവരുമാനത്തിെൻറ 20 ശതമാനം ബോണസ് വർധനയാണ് തൊഴിലാളികൾ ആവശ്യപ്പെടുന്നത്. ഇതുസംബന്ധിച്ച് തൊഴിലുടമകൾക്ക് നോട്ടീസ് നൽകിയിരുന്നു. എന്നാൽ, ബോണസ് നൽകിയില്ല. ഒാണമായിട്ടും ബോണസ് നൽകാതിരുന്നതോടെ പണിമുടക്കിന് ജില്ല ഫ്യുയൽ എംപ്ലോയീസ് യൂനിയൻ (സി.െഎ.ടി.യു) ആഹ്വാനം ചെയ്യുകയായിരുന്നു. ജില്ലയിൽ 44 പാചകവാതക വിതരണകേന്ദ്രങ്ങളാണുള്ളത്. ഇവയിലെ 500ലധികം വരുന്ന തൊഴിലാളികളാണ് പണിമുടക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.