മാഹി: പുന്നോൽ ആച്ചുകുളങ്ങര ശ്രീനാരായണ മഠത്തിൽ ചതയദിനാഘോഷം തുടങ്ങി. മഠം ശാന്തി സന്തോഷ് കൊയിലോത്ത് പതാക ഉയർത്തി. സാംസ്കാരിക സമ്മേളനം തലശ്ശേരി ജോയൻറ് ആർ.ടി.ഒ കെ.കെ. രാധാകൃഷ്ണൻ ഉദ്ഘാടനം ചെയ്തു. പി.കെ. ബാലഗംഗാധരൻ അധ്യക്ഷത വഹിച്ചു. ഗുരുവിെൻറ ദാർശനികതയെക്കുറിച്ച് ശിവഗിരി മഠത്തിലെ പ്രേമാനന്ദ സ്വാമി പ്രഭാഷണം നടത്തി. പി.പി. മോഹനൻ, പി. രാഘവൻ, കെ. അജിത്കുമാർ, ഒ.എം. സജിത്ത്, ടി.എം. പവിത്രൻ എന്നിവർ സംസാരിച്ചു. ന്യൂമാഹി എസ്.ഐ അൻഷാദ് സമ്മാനങ്ങൾ വിതരണം ചെയ്തു. ബുധനാഴ്ച ഗുരുപൂജ, അന്നദാനം, കലാപരിപാടികൾ എന്നിവ നടക്കും. ന്യൂമാഹി ഏടന്നൂർ ശ്രീനാരായണ മഠത്തിൽ ശാന്തി കെ.എം. വാസു പതാക ഉയർത്തി. ദീപാലങ്കാരം, പായസദാനം എന്നിവയുണ്ടായി. മഞ്ചക്കൽ ശ്രീനാരായണ സേവാസമിതിയിൽ ഗുരുപൂജ, ദീപാരാധന, പായസ വിതരണം എന്നിവ നടന്നു. ടി.പി. സന്തോഷ് കുമാർ, ഉത്തമരാജ് മാഹി, സി. രമേശ്ബാബു, ടി.സി. രമേശ് എന്നിവർ നേതൃത്വം നൽകി. ചാലക്കര- പള്ളൂർ ശ്രീനാരായണ സംയുക്ത സംഘത്തിൽ പ്രസിഡൻറ് എ. ദാമോദരൻ പതാക ഉയർത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.