കണ്ണൂര്‍: കാർ നിയന്ത്രണംവിട്ട് തലകീഴായി മറിഞ്ഞു. കാറിലുണ്ടായിരുന്നവർ പരിക്കേൽക്കാതെ രക്ഷപ്പെട്ടു. താഴെ ചൊവ്വ വൈദ്യുതി ഓഫിസിന് സമീപം ബുധനാഴ്ച രാവിലെയാണ് അപകടം. തലശ്ശേരി ഭാഗത്തുനിന്ന് വരുകയായിരുന്ന കാറാണ് അപകടത്തില്‍പെട്ടത്. ഇതേദിശയിൽ വരുകയായിരുന്ന മറ്റൊരു കാര്‍ പെട്ടെന്ന് വെട്ടിച്ചപ്പോഴാണ് അപകടമുണ്ടായത്. നിയന്ത്രണംവിട്ട കാർ റോഡിൽനിന്ന് തെന്നിമാറി തലകീഴായി മറിയുകയായിരുന്നു. നാട്ടുകാരാണ് കീഴ്മേൽ മറിഞ്ഞ കാറിലുണ്ടായിരുന്നവരെ പുറത്തെടുത്തത്. കാറിന് കേടുപാടുകൾ പറ്റിയെങ്കിലും യാത്രക്കാർ പരിക്കേൽക്കാതെ രക്ഷപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.