കണ്ണൂർ: 10ാം ക്ലാസ് വിദ്യാർഥികൾക്ക് അഭിരുചിക്കനുസരിച്ച് തൊഴിൽ തെരഞ്ഞെടുക്കാൻ ‘സ്മൈൽ’ ക്യാമ്പുമായി അഡീഷനൽ സ്കിൽ അക്വിസിഷൻ േപ്രാഗ്രാം (അസാപ്). സംസ്ഥാന ഉന്നത, പൊതുവിദ്യാഭ്യാസ വകുപ്പുകൾ ചേർന്നാണ് സ്മൈൽ (സ്കിൽ മെൻറർഷിപ് ഫോർ ഇന്നവേറ്റിവ് ലൈഫ് എക്സ്പീരിയൻസ്) എന്നപേരിൽ മൂന്നു ദിവസത്തെ സൗജന്യ െറസിഡൻഷ്യൽ ക്യാമ്പ് ജി.എച്ച്.എസ്.എസ് കൊട്ടിലയിൽ ആരംഭിച്ചത്. തെരഞ്ഞെടുക്കപ്പെട്ട 40 വിദ്യാർഥികളാണ് ക്യാമ്പ് അംഗങ്ങൾ. പ്രമുഖരുമായുള്ള സംവാദം, സ്റ്റാർട്ടപ് സംരംഭങ്ങളുടെ സെഷനുകൾ തുടങ്ങിയവയും ജില്ലയിെല ഏക ക്യാമ്പിൽ നടക്കും. ക്യാമ്പ് ജില്ല പഞ്ചായത്ത് അംഗം ആർ. അജിത ഉദ്ഘാടനം ചെയ്തു. പ്രിൻസിപ്പൽ പി. നാരായണൻ അധ്യക്ഷത വഹിച്ചു. അസാപ് കണ്ണൂർ മേധാവി ഡോ. റെജു കൃഷ്ണൻ മുഖ്യപ്രഭാഷണം നടത്തി. പ്രധാനാധ്യാപകൻ സി. മോഹനൻ, പി.ടി.എ പ്രസിഡൻറ് മനോഹരൻ, സ്കൂൾ അസാപ് പ്രോഗ്രാം കോഒാഡിനേറ്റർ പ്രകാശൻ എന്നിവർ സംസാരിച്ചു. അസാപ് ജില്ല പ്രോഗ്രാം മാനേജർ ഡയാന തങ്കച്ചൻ സ്വാഗതവും കൊട്ടില സ്കൂൾ അസാപ് പ്രോഗ്രാം മാനേജർ കെ. ശങ്കരൻ നന്ദിയും പറഞ്ഞു. ക്യാമ്പ് നാളെ സമാപിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.