കണ്ണൂർ: സംസ്ഥാന മന്ത്രിസഭയുടെ ഒന്നാം വാർഷികത്തിെൻറ ഭാഗമായി ജില്ല ഇൻഫർമേഷൻ ഓഫിസ് ഒരുക്കിയ സഹായി- പി.ആർ.ഡി പവലിയൻ താവക്കര ബി.ഒ.ടി ബസ്സ്റ്റാൻഡിൽ ഇന്ന് രാവിലെ 10.30ന് മേയർ ഇ.പി. ലത ഉദ്ഘാടനം ചെയ്യും. സർക്കാറിെൻറ വിവിധ ചികിത്സ--ക്ഷേമപദ്ധതികളെക്കുറിച്ചുള്ള വിവരങ്ങൾ ഉൾപ്പെടുത്തി തയാറാക്കിയതാണ് പവലിയൻ. അംഗപരിമിതർ, വിധവകൾ, പ്രവാസികൾ തുടങ്ങിയവർക്കുള്ള പദ്ധതികളെക്കുറിച്ചുള്ള വിവരങ്ങളും ഇതിൽ ഉൾക്കൊള്ളിച്ചിട്ടുണ്ട്. വിവിധസേവനങ്ങൾ ലഭ്യമാക്കുന്ന വകുപ്പുകൾ, അപേക്ഷാമാനദണ്ഡങ്ങൾ, ആവശ്യമായ രേഖകൾ, അപേക്ഷാരീതി തുടങ്ങിയ വിവരങ്ങൾ പവലിയനിൽ ലഭിക്കും. ഇതോടൊപ്പം സംസ്ഥാനസർക്കാറിെൻറ ജില്ലയിലെ വിവിധ വികസന പ്രവർത്തനങ്ങളുടെയും പദ്ധതികളുടെയും ഫോട്ടോ പ്രദർശനവും ഒരുക്കിയിട്ടുണ്ട്. പ്രദർശനം നാളെയും തുടരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.