കാസര്കോട്: മൊഗ്രാല്പുത്തൂരിലെ ലൈറ്റ് ആൻഡ് സൗണ്ട്സ് കട അടിച്ചുതകര്ക്കുകയും വ്യാപാരിയെ കുത്തിപ്പരിക്കേല്പിക്കുകയുംചെയ്ത കേസില് യുവാവിനെ പൊലീസ് അറസ്റ്റ് ചെയ്തു. പേരാല് മൈമൂന്നഗറിലെ കെ.എ. ഷംസുദ്ദീനെയാണ് (26) കാസര്കോട് എസ്.ഐ പി. അജിത്കുമാറിെൻറ നേതൃത്വത്തില് അറസ്റ്റ്ചെയ്തത്. മൊഗ്രാല്പുത്തൂരിലെ വ്യാപാരി പടിഞ്ഞാറിലെ ഇബ്രാഹിമിനെ ആക്രമിച്ച കേസിലാണ് അറസ്റ്റ്. ജൂലൈ രണ്ടിന് ഉച്ചക്കാണ് ഒമ്പതംഗസംഘം ലൈറ്റ് ആൻഡ് സൗണ്ട് സ്ഥാപന ഉടമ ഇബ്രാഹിമിനെ ആക്രമിച്ചത്. സംഭവത്തില് നരഹത്യാശ്രമത്തിനാണ് കേസെടുത്തത്. അറസ്റ്റിലായ ഷംസുദ്ദീന് വേറെയും അക്രമക്കേസുകളിൽ പ്രതിയാണെന്ന് പൊലീസ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.