ഉരുവച്ചാൽ: കനത്തകാറ്റിലും മഴയിലും ഉരുവച്ചാലിൽ വ്യാപകനാശം. മരംവീണ് നിരവധി വീടുകൾ തകർന്നു. പലയിടത്തും മരംവീണ് വൈദ്യുതിലൈനുകൾ തകർന്നു. ഇതുമൂലം മേഖലയിൽ വൈദ്യുതിബന്ധം നിലച്ചു. കരേറ്റയിലെ വട്ടോന്നി മാവില കുഞ്ഞിരാമെൻറ വീടിനു മുകളിൽ മരംവീണ് മേൽക്കൂര തകർന്നു. മട്ടന്നൂരിൽനിന്നെത്തിയ ഫയർഫോഴ്സ് മരം മുറിച്ചുനീക്കി. പഴശ്ശി വില്ലേജ് ഓഫിസർ സ്ഥലത്തെത്തി നഷ്ടം കണക്കാക്കി. കുഴിക്കലിൽ എം. നാണു, മുണ്ടോർപൊയിലിൽ പുതുശ്ശേരി ലക്ഷ്മി എന്നിവരുടെ പറമ്പിലെ മരങ്ങൾ കാറ്റിൽ കടപുഴകി നാശംവിതച്ചു. ശിവപുരം-നടുവനാട് റോഡിൽ മരം വീണ് ഗതാഗതം തടസ്സപ്പെട്ടു. മട്ടന്നൂർ ഫയർഫോഴ്സെത്തി മരം മുറിച്ചുനീക്കിയാണ് ഗതാഗതം പുനഃസ്ഥാപിച്ചത്. ഉരുവച്ചാൽ പ്രദേശത്ത് കാറ്റിൽ മരങ്ങൾപൊട്ടി വൈദ്യുതി ലൈനിൽ വീണതിനാൽ പഴശ്ശി സബ്സ്റ്റേഷനിലിൽ വൈദ്യുതിവിതരണം നിലച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.