പയ്യന്നൂർ: പയ്യന്നൂർ പെരുമ്പയിൽ ഫെഡറൽ ബാങ്കിെൻറ എ.ടി.എം തകർത്ത് കവർച്ചശ്രമം. പെരുമ്പ ട്രാഫിക് ജങ്ഷന് സമീപം ദേശീയപാതയോരത്തെ എ.ടി.എം കൗണ്ടറാണ് ചൊവ്വാഴ്ച രാത്രി തകർത്ത് പണം കവരാൻ ശ്രമംനടന്നത്. ഇന്നലെ എ.ടി.എം കൗണ്ടറിൽ പണമെടുക്കാനെത്തിയവരാണ് യന്ത്രത്തിെൻറ മോണിറ്റർ ഉൾപ്പെടെയുള്ള ഭാഗങ്ങൾ തകർത്തനിലയിൽ കണ്ടത്. വിവരമറിയിച്ചതിനെ തുടർന്ന് സി.ഐ എം.പി. ആസാദിെൻറ നേതൃത്വത്തിൽ പയ്യന്നൂർ പൊലീസെത്തി പരിശോധന നടത്തി. മോണിറ്ററിെൻറ ഭാഗം ഉൾപ്പെട്ട യന്ത്രം പൂർണമായും തകർത്തനിലയിലാണ്. യന്ത്രത്തിെൻറ താഴ്ഭാഗം തകർക്കാനാവാത്തതിനാൽ പണം നഷ്ടപ്പെട്ടിട്ടില്ല. വൈകുന്നേരത്തോടെ കണ്ണൂരിൽനിന്ന് വിരലടയാള വിദഗ്ധർ സ്ഥലത്തെത്തി തെളിവെടുത്തു. കൗണ്ടറിലെ സി.സി.ടി.വി കാമറ പ്രവർത്തനരഹിതമായതിനാൽ കവർച്ചക്കെത്തിയവരുടെ ചിത്രം ലഭ്യമല്ല. പൊലീസ് കേസെടുത്ത് അന്വേഷണം തുടങ്ങി. ഇവിടെ മുമ്പും കവർച്ചശ്രമം നടന്നിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.