മാഹി: ശുചിത്വവിദ്യാലയത്തിനുള്ള ദേശീയ അവാർഡ് ചെറുകല്ലായി ഗവ. എൽ.പി- സ്കൂളിന് ലഭിച്ചു. കേന്ദ്ര മാനവ വിഭവശേഷി മന്ത്രാലയത്തിെൻറ സ്വച്ഛ് വിദ്യാലയ പുരസ്കാരമാണ് സ്കൂളിന് ലഭിച്ചത്. 50,000 രൂപയും പ്രശസ്തിപത്രവുമാണ് അവാർഡ്. ദേശീയതലത്തിൽ മാറ്റുരച്ച 643 സ്കൂളുകളിൽനിന്ന് തെരഞ്ഞെടുക്കപ്പെട്ട 172 സ്കൂളുകളിൽ ഒന്നാണ് മാഹിക്ക് അഭിമാനമായ ഈ വിദ്യാലയം. മാഹിയിലെ ഒരു സർക്കാർ വിദ്യാലയം ആദ്യമായാണ് ദേശീയ പുരസ്കാരത്തിനർഹമാകുന്നത്. കഴിഞ്ഞ അധ്യയനവർഷത്തെ സ്വച്ഛ് വിദ്യാലയത്തിനുള്ള സംസ്ഥാനതല പുരസ്കാരവും ഈ വിദ്യാലയത്തിനായിരുന്നു. െസപ്റ്റംബർ ഒന്നിന് ന്യൂഡൽഹിയിൽ നടക്കുന്ന ചടങ്ങിൽ കേന്ദ്രമന്ത്രി പ്രകാശ് ജാവ്ദേക്കർ അവാർഡ് വിതരണം ചെയ്യും. സ്കൂൾ പ്രഥമാധ്യാപിക ഒ. ഉഷ, സ്വച്ഛ് ആർമി അംബാസഡർ കൂടിയായ ഹിസാൻ മുഹമ്മദ് എന്നിവർ അവാർഡ് ഏറ്റുവാങ്ങും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.