കണ്ണൂർ: ആറാം പ്രവൃത്തിദിന ക്ലസ്റ്റർ പരിശീലനം ബഹിഷ്കരിച്ച് അധ്യാപകർ പ്രതിഷേധ മാർച്ച് നടത്തി. കെ.പി.എസ്.ടി.യു ജില്ല കമ്മിറ്റിയുടെ നേതൃത്വത്തിലാണ് അധ്യാപകർ ക്ലസ്റ്റർ ബഹിഷ്കരിച്ച് ഡി.ഡി.ഇ ഒാഫിസിലേക്ക് മാർച്ച് നടത്തിയത്. രാഷ്ട്രീയ പകപോക്കൽ അവസാനിപ്പിക്കുക, കെ.പി.എസ്.ടി.എ സംസ്ഥാന അസോസിയേറ്റ് സെക്രട്ടറി ടി.കെ. എവുജിൻ മാസ്റ്ററുടെ അന്യായ സ്ഥലംമാറ്റം റദ്ദാക്കുക, തസ്തികനിർണയത്തിലെ അപാകത പരിഹരിക്കുക എന്നീ ആവശ്യങ്ങൾ ഉന്നയിച്ചാണ് മാർച്ച്. സംസ്ഥാന വൈസ് പ്രസിഡൻറ് കെ.സി. രാജൻ ഉദ്ഘാടനം ചെയ്തു. ജില്ല പ്രസിഡൻറ് കെ. രമേശൻ അധ്യക്ഷത വഹിച്ചു. എൻ. തമ്പാൻ, കെ. സുനിൽകുമാർ, പി.കെ. സത്യവതി, പി.ഒ. വേണുഗോപാൽ, കൃഷ്ണവേണി, യു.എൻ. ബാലചന്ദ്രൻ എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.