കൊഹിമ: പാർട്ടിയിൽ നിന്ന് പുറത്താക്കിയ ടി.ആർ. സെലിയാങ്ങിന് അനുകൂലമായി വിശ്വാസവോെട്ടടുപ്പിൽ വിപ്പ് ലംഘിച്ച് വോട്ട് ചെയ്ത 36 നിയമസഭാംഗങ്ങൾക്കെതിരെ നാഗാ പീപ്ൾസ് ഫ്രണ്ട്(എൻ.പി.എഫ്) അയോഗ്യതനടപടികൾക്ക് തുടക്കമിട്ടു. ജൂലൈ 21നാണ് നാഗാലാൻഡിൽ എൻ.പി.എഫ് പ്രസിഡൻറും മുഖ്യമന്ത്രിയുമായിരുന്ന ഷുർഹൊസലെ ലെയ്സെത്സുവിനെതിരെ സെലിയാങ് വിശ്വാസവോട്ടിൽ ജയിച്ച് മുഖ്യമന്ത്രിയായത്. ഇൗമാസം ഏഴിന് നിയമസഭസ്പീക്കർക്കും സുപ്രീംകോടതിക്കും അംഗങ്ങൾ വിപ്പ് ലംഘിച്ചതിനെതിരെ പരാതിനൽകുമെന്നും അവർ അത് സ്വീകരിക്കുമെന്നാണ് പ്രതീക്ഷയെന്നും എൻ.പി.എഫ് എം.എൽ.എ യിതാച്ചു പറഞ്ഞു. 36 എം.എൽ.എമാരും അയോഗ്യരാക്കപ്പെട്ടാൽ നിയമസഭ പിരിച്ചുവിടേണ്ടിവരുമെന്നും അദ്ദേഹം കൂട്ടിച്ചേർത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.