കണ്ണൂർ: മെഡിക്കൽ വിദ്യാർഥിനി ഷംന തസ്നീം എറണാകുളം കളമശ്ശേരി മെഡിക്കൽ കോളജിൽ ചികിത്സക്കിടെ മരിച്ച സംഭവത്തിലെ ദുരൂഹത കെണ്ടത്തി കുറ്റക്കാർക്കെതിരെ നടപടിയെടുക്കണമെന്നാവശ്യപ്പെട്ട് എം.എസ്.എഫ് പ്രത്യക്ഷ സമരപരിപാടികൾ ആരംഭിക്കുമെന്ന് ഭാരവാഹികൾ വാർത്താസമ്മേളനത്തിൽ അറിയിച്ചു. ജസ്റ്റിസ് ഫോർ ഷംന എന്ന മുദ്രാവാക്യമുയർത്തി 21ന് നിയോജകമണ്ഡലം തലത്തിൽ നീതിജ്വാല എന്ന പേരിൽ പ്രതിഷേധസായാഹ്നം സംഘടിപ്പിക്കും. 25ന് കലക്ടറേറ്റിന് മുന്നിൽ 48 മണിക്കൂർ സത്യഗ്രഹസമരം നടത്തും. സംസ്ഥാന പ്രസിഡൻറ് മിസ്ബാഹ് കീഴരിയൂർ ഉദ്ഘാടനം ചെയ്യും. ജില്ല ഭാരവാഹികളായ സി.കെ. നജാഫ്, ഷജീർ ഇഖ്ബാൽ എന്നിവർ വാർത്താസമ്മേളനത്തിൽ പെങ്കടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.