കേളകം: ആറളം ഫാമിലെ വന്യജീവി ശല്യം തടയുന്നതിനായി രണ്ടര കോടി ചെലവില് ഇരുമ്പുവേലി നിര്മാണ പദ്ധതിയുടെ പ്രവൃത്തിക്ക് തുടക്കമായി. ആറളം പുനരധിവാസ മേഖലയോട് ചേര്ന്ന ആറളം, കൊട്ടിയൂര് വനാതിര്ത്തികളിലെ രണ്ട് കിലോമീറ്റര് ചുറ്റളവിലാണ് വേലി സ്ഥാപിക്കുക. പദ്ധതിയുടെ പ്രവൃത്തി പരിപ്പ്തോടില് വെള്ളിയാഴ്ച അഡ്വ. സണ്ണി ജോസഫ് എം.എല്.എ ഉദ്ഘാടനം ചെയ്തു. വൈല്ഡ് ലൈഫ് വാര്ഡന് കെ. ജ്യോതിപ്രകാശ്, അസി. വാര്ഡന് വി. മദുസൂദനന്, പഞ്ചായത്ത് പ്രസിഡന്റ് ഷിജി വട്ടപ്പറമ്പില്, വൈസ് പ്രസിഡന്റ് കെ. വേലായുധന് തുടങ്ങിയവര് പങ്കെടുത്തു. ആറളം ഫാമിലെ പുനരധിവാസ മേഖലയില് മുമ്പ് നിര്മിച്ച ആനമതിലിനോടനുബന്ധിച്ച് 10,12,13 ബ്ളോക് വനാതിര്ത്തികളിലാണ് ഇരുമ്പുവേലി നിര്മിക്കുന്നത്. പാറക്കെട്ട്, ചതുപ്പ് പ്രദേശങ്ങളില് ബുദ്ധിമുട്ട് മൂലം ആനമതില് നിര്മിച്ചിരുന്നില്ല. ഇവിടങ്ങളിലാണ് ഇപ്പോള് വേലി നിര്മിക്കുക. കാട്ടാന ശല്യത്തില് പൊറുതിമുട്ടിയ ആറളം പുനരധിവാസ മേഖലയിലെ കുടുംബങ്ങളെ രക്ഷിക്കനാണ് പദ്ധതി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.