പാപ്പിനിശ്ശേരി: പാപ്പിനിശ്ശേരി റെയില്വേ മേല്പാല നിര്മാണത്തിന്െറ ഭാഗമായി നിര്മിക്കുന്ന അടിപ്പാതയില് മണ്ണിടിഞ്ഞ് റെയില്പാത അപകടത്തില്. അടിപ്പാതയിലെ തുരങ്കത്തിനു സമീപമുള്ള മണ്ണാണ് ഇടിഞ്ഞിരിക്കുന്നത്. പാതക്ക് സമീപം 10 മീറ്റര് മണ്ണിടിഞ്ഞിരിക്കുകയാണ്. ഇത് ഏത് നിമിഷവും അപകടത്തിന് ഇടയാക്കുന്നതാണെന്ന് വ്യാപാരികള് ചൂണ്ടിക്കാട്ടുന്നു. മംഗളൂരു ഭാഗത്തേക്ക് പോവുന്ന റെയില്വേ ലൈനിനു സമീപത്തെ മണ്ണിടിഞ്ഞതാണ് അപകടഭീഷണിക്ക് കാരണം. നിര്മാണ പ്രവൃത്തികള് നടക്കുന്ന ഭാഗത്ത് അപകട ഭീഷണി നിലനില്ക്കെ ട്രെയിനുകളുടെ വേഗത കുറക്കുന്ന ഒരു നടപടിയും ഇതുവരെ റെയില്വേ സ്വീകരിച്ചിട്ടില്ല. അതേസമയം അടിപ്പാത നിര്മാണഭാഗത്തെ മണ്ണിടിഞ്ഞത് ഭീഷണിയില്ളെന്നാണ് റെയില്വേയിലെ ഒരു വിഭാഗം ഉദ്യോഗസ്ഥര് പറയുന്നത്. സ്ഥലം പരിശോധിച്ച് ട്രെയിനുകള് വേഗത കുറക്കാന് നടപടി സ്വീകരിക്കുമെന്ന് അധികൃതര് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.