മട്ടന്നൂര്: വാഹന പരിശോധനക്കിടെ 3000 പാക്കറ്റ് പാന്മസാലയുമായി ഒരാളെ എക്സൈസ് പിടികൂടി. ശിവപുരത്തെ ചെറിയാറത്തില് മജീദ് (39) ആണ് പിടിയിലായത്. ഓട്ടോറിക്ഷയില് കടത്തുകയായിരുന്ന പാന്മസാല മട്ടന്നൂര് കോളജ് റോഡില് നടത്തിയ വാഹന പരിശോധനക്കിടെയാണ് പിടിച്ചത്. വില്പനക്കായി ശിവപുരത്തുനിന്ന് ഇരിക്കൂറിലേക്ക് കൊണ്ടുപോവുകയായിരുന്നു. ഇതര സംസ്ഥാന തൊഴിലാളികളെ ലക്ഷ്യമിട്ട് മട്ടന്നൂര് മേഖലയില് പാന്മസാല വില്പന വന്തോതില് വര്ധിച്ചുവെന്ന് എക്സൈസ് ഉദ്യോഗസ്ഥര് പറഞ്ഞു. എക്സൈസ് ഇന്സ്പെക്ടര് എ.കെ. വിജേഷ്, പ്രിവന്റിവ് ഓഫിസര് ബഷീര് പിലാട്ട്, സിവില് എക്സൈസ് ഓഫിസര്മാരായ കെ. ശശികുമാര്, സി.എം. ഫിറോസ്, പി.കെ. സജേഷ് എന്നിവര് പരിശോധനക്ക് നേതൃത്വം നല്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.