മാഹി: അഴിയൂര് ചെക്പോസ്റ്റില് വന് വിദേശമദ്യ വേട്ട. മാഹിയില്നിന്ന് തൃശൂരിലേക്ക് കടത്തുകയായിരുന്ന 630 കുപ്പി വിദേശമദ്യമാണ് പിടികൂടിയത്. മദ്യം കടത്താനുപയോഗിച്ച കാറുമായി തൃശൂര് വടക്കാഞ്ചേരിയിലെ റിയാസിനെ (35) എക്സൈസ് സംഘം അറസ്റ്റ്ചെയ്തു. തൃശൂര് രജിസ്ട്രേഷനിലുള്ള കാറില് വെള്ളിയാഴ്ച രാത്രിയാണ് മദ്യം കടത്തിയത്. വാഹനത്തിന്െറ സീറ്റിലും കീഴെയുമായി 35 കെയ്സുകളില് സൂക്ഷിച്ച 315 ലിറ്റര് വിദേശമദ്യമാണ് കടത്താന് ശ്രമിച്ചത്. മദ്യത്തിന് രണ്ടുലക്ഷത്തിലേറെ വിലയുണ്ട്. കൈകാണിച്ചിട്ടും നിര്ത്താതെപോയ വാഹനത്തെ എക്സൈസ് സംഘം പിന്തുടര്ന്ന് പിടികൂടുകയായിരുന്നു. നേരത്തെ ട്രെയിന് മാര്ഗം പ്രതി മദ്യം കടത്തിയിരുന്നുവെന്ന് എക്സൈസ് അധികൃതര് പറഞ്ഞു. പരിശോധനക്ക് അസി. എക്സൈസ് ഇന്സ്പെക്ടര് മനോഹരന് പയ്യന്, പ്രിവന്റീവ് ഓഫിസര് ടി. രമേഷ്, വി. ദേവദാസ്, സിവില് എക്സൈസ് ഓഫിസര്മാരായ രാഗേഷ് ബാബു, കെ.എന്. ജലാലുദ്ദീന്, പ്രിയരഞ്ജന്ദാസ് എന്നിവര് നേതൃത്വം നല്കി. വടകര ജുഡീഷ്യല് മജിസ്ട്രേറ്റ് കോടതി പ്രതിയെ റിമാന്ഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.