പഴയങ്ങാടി: മാടായിപ്പാറയില് സാമൂഹികവിരുദ്ധരുടെ ശല്യത്തിന് പരിഹാരമായില്ല. പ്രദേശത്ത് വ്യാപകമായി മദ്യക്കുപ്പികള് പൊട്ടിച്ച് വിതറിയാണ് സാമൂഹിക ദ്രോഹികളുടെ ശല്യം. വ്യാഴാഴ്ച രാത്രിയാണ് മാടായിപ്പാറയിലെ വെങ്ങര ഭാഗത്തേക്കുള്ള പാതയിലും വടുകുന്ദ ക്ഷേത്ര വഴിയിലും മദ്യക്കുപ്പികള് പൊട്ടിച്ചിട്ടത്. പ്രഭാത നടത്തത്തിനത്തെിയവരും ക്ഷേത്രങ്ങളിലെത്തേണ്ടവരും ദുരിതത്തിലായി. മാടായിപ്പാറയിലെ അതിക്രമങ്ങള് തടയുന്നതിന് കെട്ടിയ കമ്പിവേലിയും കഴിഞ്ഞ ദിവസം സാമൂഹികദ്രോഹികള് തകര്ത്തിരുന്നു. ഇതത്തേുടര്ന്ന് മനുഷ്യവേലി തീര്ത്ത് പരിസ്ഥിതി പ്രവര്ത്തകരും നാട്ടുകാരും പ്രതിഷേധിച്ചതിന്െറ തുടര്ച്ചയായാണ് മദ്യക്കുപ്പികള് പൊട്ടിച്ചിട്ടത്. മാടായിപ്പാറയില് സാമൂഹികദ്രോഹികള് തീയിട്ടതിനാല് കഴിഞ്ഞ മാസം ഏഴ് തവണയുണ്ടായ തീപിടിത്തത്തില് ഏക്കര്കണക്കിന് പുല്മേടുകള് കത്തിനശിച്ചിരുന്നു. മാടായിപ്പാറയില് രൂക്ഷമായ സാമൂഹികദ്രോഹികളുടെ ശല്യത്തിനെതിരെ പരിസ്ഥിതി പ്രവര്ത്തകരുടെയും നാട്ടുകാരുടെയും പ്രതിഷേധം ശക്തമായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.