പാനൂര്: ചമ്പാട് വിന്നേഴ്സ് ക്ളബ് സംഘടിപ്പിക്കുന്ന സിറ്റിമാന് ഉത്തരമേഖല വോളിബാള് ടൂര്ണമെന്റ് 17 മുതല് 21 വരെ നടക്കുമെന്ന് ഭാരവാഹികള് വാര്ത്താസമ്മേളനത്തില് അറിയിച്ചു. ടൂര്ണമെന്റ് ഇന്ത്യന് വോളിബാള് ടീം മുന് ക്യാപ്റ്റന് ജോബി ജോസഫ് ഉദ്ഘാടനം ചെയ്യും. സംഘാടക സമിതി ചെയര്മാന് ടി. ഹരിദാസ് അധ്യക്ഷത വഹിക്കും. ദേശീയ താരങ്ങള് ഉള്പ്പെടെ പങ്കെടുക്കുന്ന ടൂര്ണമെന്റില് ആറു വീതം പുരുഷ-വനിത ടീമുകള് മാറ്റുരക്കും. എല്ലാ ദിവസവും വൈകീട്ട് ഏഴിന്് മത്സരം ആരംഭിക്കും. 20ന് വൈകീട്ട് മേഖലയിലെ മികച്ച വിജയം കരസ്ഥമാക്കിയ വിദ്യാര്ഥികളെയും പ്രതിഭകളെയും ആദരിക്കല് ചടങ്ങ് മന്ത്രി കെ.പി. മോഹനന് ഉദ്ഘാടനം ചെയ്യും. പാനൂര് ബ്ളോക് പഞ്ചായത്ത് പ്രസിഡന്റ് കെ.ഇ. കുഞ്ഞബ്ദുല്ല അധ്യക്ഷത വഹിക്കും. 21 ന് സമാപന ചടങ്ങ് പ്രതിപക്ഷ ഉപനേതാവ് കോടിയേരി ബാലകൃഷ്ണന് ഉദ്ഘാടനം ചെയ്യും. കെ.കെ. പവിത്രന് അധ്യക്ഷത വഹിക്കും. വാര്ത്താസമ്മേളനത്തില് ഒ.സി. നവീന് ചന്ദ്, കെ. ജയരാജന്, എ.കെ. വിനീത്, എസ്. മിഥുന് എന്നിവര് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.