കാഞ്ഞങ്ങാട്: മാവുങ്കാല്‍ പമ്പില്‍ പെട്രോള്‍ നിറച്ചുകൊണ്ടിരിക്കെ ടി.വി ചാനല്‍ വാഹനത്തിന്‍െറ ജനറേറ്റര്‍ പൊട്ടിത്തെറിച്ചു. വെള്ളിയാഴ്ച രാവിലെയാണ് സംഭവം. ഫ്ളവേഴ്സ് ചാനലിന്‍െറ മിനിവാനില്‍ ഘടിപ്പിച്ച ജനറേറ്ററാണ് പൊട്ടിത്തെറിച്ചത്. റോഡ് ഷോക്ക് എറണാകുളത്തുനിന്ന് കാസര്‍കോട്ടേക്ക് പോവുകയായിരുന്നു മിനി വാന്‍. മാവുങ്കാല്‍ പെട്രോള്‍ പമ്പില്‍നിന്ന് പെട്രോള്‍ അടിക്കുന്നതിനിടെ ജനറേറ്റര്‍ പൊട്ടിത്തെറിക്കുകയായിരുന്നു. വാന്‍ ഡ്രൈവര്‍ എറണാകുളം സ്വദേശി അനീഷ് ഉടന്‍തന്നെ വണ്ടി പമ്പിന് പുറത്തത്തെിച്ചു. നാട്ടുകാരുടെയും ചുമട്ടുതൊഴിലാളികളുടെയും സഹായത്തോടെ തളംകെട്ടിനിന്ന മഴവെള്ളത്തില്‍ ജനറേറ്റര്‍ മുക്കി തീ അണക്കുകയായിരുന്നു. പൊട്ടിത്തെറിയുടെ ശബ്ദംകേട്ട് വണ്ടിയിലും പെട്രോള്‍ പമ്പിലുമുണ്ടായിരുന്നവര്‍ ഓടി. കാഞ്ഞങ്ങാട് ഫയര്‍ഫോഴ്സും പ്രിന്‍സിപ്പല്‍ എസ്.ഐ ബിജുലാലും രക്ഷാപ്രവര്‍ത്തനങ്ങള്‍ക്ക് നേതൃത്വം നല്‍കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.