കണ്ണൂര്: അഴീക്കോട്ടെ എല്.ഡി.എഫ് സ്ഥാനാര്ഥി എം.വി. നികേഷ്കുമാര് കോണ്ഗ്രസ് വിമത നേതാവ് പി.കെ. രാഗേഷുമായി വേദി പങ്കിട്ടു. അഴീക്കോട് മണ്ഡലത്തിലെ പള്ളിക്കുന്ന് രാധാവിലാസം സ്കൂള് ഗ്രൗണ്ടില് നടന്ന കെ.പി. ചന്ദ്രന്െറ സപ്തതി ആഘോഷ ചടങ്ങിലാണ് രാഗേഷും നികേഷ്കുമാറും വേദി പങ്കിട്ടത്. വിമതപ്രവര്ത്തനത്തെ തുടര്ന്ന് പി.കെ. രാഗേഷിനെ ആറുവര്ഷത്തേക്ക് കോണ്ഗ്രസില്നിന്ന് പുറത്താക്കിയതായി ഡി.സി.സി പ്രസിഡന്റ് കെ. സുരേന്ദ്രന് ശനിയാഴ്ച വാര്ത്താസമ്മേളനത്തില് അറിയിച്ചിരുന്നു. ഈ സാഹചര്യത്തിലാണ് അഴീക്കോട് മണ്ഡലത്തില്പെടുന്ന പള്ളിക്കുന്ന് പഞ്ചായത്തില് കോണ്ഗ്രസ് പ്രവര്ത്തകര്ക്കിടയില് നിര്ണായക സ്വാധീനമുള്ള രാഗേഷ് നികേഷ്കുമാറുമായി വേദി പങ്കിട്ടത് കൗതുകമായത്. അപ്രതീക്ഷിതമായി ചടങ്ങിനത്തെിയ നികേഷ്കുമാറിനെ രാഗേഷാണ് വേദിയിലേക്ക് സ്വീകരിച്ചത്. തുടര്ന്ന് നികേഷ് നടത്തിയ പ്രസംഗത്തില് രാഗേഷിന്െറ രാഷ്ട്രീയ നിലപാടുകളെ സ്വാഗതം ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.