കണ്ണൂര്: വിദൂര വിദ്യാഭ്യാസ വിഭാഗം രണ്ടാംവര്ഷ ഇംഗ്ളീഷ് പരീക്ഷ ഉത്തരക്കടലാസുകളുടെ കൗണ്ടര് ഫോയിലുകള് കാണാതായ സംഭവത്തില് പരീക്ഷാ കണ്ട്രോളര്ക്കും കുറ്റക്കാരായ മറ്റ് ഉദ്യോഗസ്ഥര്ക്കുമെതിരെ ക്രൈംബ്രാഞ്ച് അന്വേഷണം ആവശ്യപ്പെട്ട് കെ.എസ്.യു പ്രവര്ത്തകര് കണ്ണൂര് യൂനിവേഴ്സിറ്റി രജിസ്ട്രാറെ റോഡില് തടഞ്ഞുവെച്ചു. വ്യാഴാഴ്ച രാവിലെ 9.30ഓടെയായിരുന്നു സംഭവം. തുടര്ന്ന് നടന്ന ചര്ച്ചയില് അന്വേഷണ കമീഷന് റിപ്പോര്ട്ട് വി.സിക്ക് സമര്പ്പിക്കുമെന്നും വി.സിയോട് ക്രൈംബ്രാഞ്ച് അന്വേഷണത്തിന് ശിപാര്ശചെയ്യുമെന്നും രജിസ്ട്രാര് ഉറപ്പുനല്കി. ഉച്ചക്ക് 1.30ഓടെ സമരം അവസാനിച്ചു. കെ.എസ്.യു ജില്ലാ പ്രസിഡന്റ് സുധിപ് ജയിംസ്, റോബേര്ട്ട് വെള്ളാംവള്ളി, വി.പി. അബ്ദുല് റഷീദ്, വി. രാഹുല്, റിജിന് രാജ്, വി.കെ. അതുല്, അശ്വിന് മതുക്കോത്ത്, എസ്. രാഹുല്, നിവിന് മാനുവല്, ആദര്ശ് മാങ്ങാട്ടിടം, മുഹമ്മദ് പനോള്, വി.കെ. റനീസ്, കെ. അഖില്, പി.വി. ഫറാന് എന്നിവര് നേതൃത്വം നല്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.