ഇരിട്ടി: ഉളിക്കല് പൊലീസ് സ്റ്റേഷന് പരിധിയില്പെട്ട വയത്തൂരില് ആര്.എസ്.എസ് അക്രമത്തില് നാല് സി.പി.എം പ്രവര്ത്തകര്ക്ക് പരിക്ക്. ശശിധരന്, ഭാര്യ രാഗിണി, വൈശാഖ്, മോഹനന് എന്നിവര്ക്കാണ് പരിക്കേറ്റത്. ഇവരെ കണ്ണൂര് എ.കെ.ജി ആശുപത്രിയില് പ്രവേശിപ്പിച്ചു. വയത്തൂര് അമ്പലത്തിന് മുന്നിലെ തെരുവുവിളക്ക് ഓഫ് ചെയ്തതുമായി ബന്ധപ്പെട്ട വാക്തര്ക്കം അക്രമത്തിലും അടിപിടിയിലും കലാശിക്കുകയായിരുന്നു. ആര്.എസ്.എസ് അക്രമത്തില് പ്രതിഷേധിച്ച് ഉളിക്കല് പഞ്ചായത്തില് എല്.ഡി.എഫ് ബുധനാഴ്ച ഹര്ത്താലിന് ആഹ്വാനം ചെയ്തു. രാവിലെ ആറുമുതല് വൈകീട്ട് ആറുവരെയാണ് ഹര്ത്താല്. വാഹനങ്ങളെ ഒഴിവാക്കിയിട്ടുണ്ട്. സംഘര്ഷാവസ്ഥ കണക്കിലെടുത്ത് ഇരിട്ടി ഡിവൈ.എസ്.പി സുദര്ശന്, സി.ഐ ഉണ്ണികൃഷ്ണന്, ഉളിക്കല് എസ്.ഐ അനന്തകൃഷ്ണന് എന്നിവരുടെ നേതൃത്വത്തില് സംഭവസ്ഥലത്ത് പൊലീസ് ക്യാമ്പ് ചെയ്യുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.