കണ്ണൂര്: അജ്ഞാതവാഹനം വൈദ്യുതി പോസ്റ്റിലിടിച്ചതിനെ തുടര്ന്ന് വൈദ്യുതി ലൈന് പൊട്ടി റോഡിന് കുറുകെ വീണു. താഴെ ചൊവ്വ ബൈപ്പപാസില് ബിനോയ് മാര്ബിളിനു സമീപത്ത് ചൊവ്വാഴ്ച രാത്രി 11.30ഓടെയാണ് സംഭവം. ഇതേതുടര്ന്ന് ഇതുവഴിയുള്ള വാഹന ഗതാഗതം ഏറെ നേരം തടസ്സപ്പെട്ടു. വൈദ്യുതി പോസ്റ്റിന് ഇടിച്ച വാഹനം നിര്ത്താതെ പോയതായി നാട്ടുകാര് പറഞ്ഞു. വൈദ്യുതി ലൈന് ഒരുഭാഗം റോഡിനു മുകളിലാണ് വീണത്. ലൈന് റോഡില് തട്ടാത്ത ഭാഗത്തൂടെ ഇരുചക്ര വാഹനങ്ങളും ചെറിയ വാഹനങ്ങളും നാട്ടുകാര് കടത്തി വിട്ടിരുന്നു. എന്നാല് വലിയ വാഹനങ്ങള്ക്ക് കടന്നുപോകുമ്പോള് വൈദ്യുതി ലൈനില് തട്ടുമെന്നതിനാല് കടത്തിവിട്ടില്ല. ലൈനില് വൈദ്യുതിയുള്ളത് കാരണമാണ് വലിയ വാഹനങ്ങള് കടത്തിവിടാതിരുന്നത്. നാട്ടുകാരുടെ ജാഗ്രത കാരണമാണ് വന്ദുരന്തം ഒഴിവായത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.