ആലപ്പുഴ: കെ.എസ്.ആർ.ടി.സി പെൻഷൻകാർ ബസ് സ്റ്റേഷനുകൾ കേന്ദ്രീകരിച്ച് സംസ്ഥാന അടിസ്ഥാനത്തിൽ നടത്തിവരുന്ന ധർണ സമരം 30ാം ദിവസത്തിലേക്ക് കടക്കുന്നു. ചൊവ്വാഴ്ച മുതൽ സമരം പകൽ മുഴുവനാക്കാനും ഉച്ചക്ക് പട്ടിണി കഞ്ഞിവെപ്പ് സമരം നടത്താനും കെ.എസ്.ആർ.ടി പെൻഷനേഴ്സ് ഓർഗനൈസേഷൻ തീരുമാനിച്ചു. കഞ്ഞിവെപ്പ് സമരപരിപാടി നഗരസഭ ചെയർമാൻ തോമസ് ജോസഫ് ഉദ്ഘാടനം ചെയ്യും. തിങ്കളാഴ്ച നടന്ന ധർണ സംസ്ഥാന ഓർഗനൈസിങ് സെക്രട്ടറി എം.എം. പണിക്കർ ഉദ്ഘാടനം ചെയ്തു. യൂനിറ്റ് പ്രസിഡൻറ് ബേബി പാറക്കാടൻ അധ്യക്ഷത വഹിച്ചു. ജില്ല ട്രഷറർ എ.പി. ജയപ്രകാശ്, വി. രാധാകൃഷ്ണൻ, കെ.എം. സിദ്ധാർഥൻ, എം. അബൂബക്കർ, പി.എ. കൊച്ചെറുക്കൻ, പി.ജി. രാജേന്ദ്രൻ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.