ശീതളപാനീയത്തിൽ പുഴുക്കൾ

പാനൂർ: കടയിൽനിന്നും വാങ്ങിയ ശീതളപാനീയത്തിൽ പുഴുവിനെ കണ്ടെത്തി. താഴെചമ്പാട് വലിയപറമ്പത്ത് നിശാന്തും സുഹൃത്തുക്കളും വാങ്ങിയ ബോട്ടിലിലാണ് പുഴുക്കളെ കണ്ടെത്തിയത്. ഞായറാഴ്ച ഉച്ചക്ക് താഴെചമ്പാടുള്ള കടയിൽ നിന്നും വാങ്ങിയ ട്രോപ്പിക്കാനോ സ്ലൈസി​െൻറ ഒരുലിറ്റർ കുപ്പിയിലാണ് പുഴുവിനെ കണ്ടെത്തിയത്.

കുപ്പി തുറന്നു അൽപം കുടിച്ച ശേഷം രുചിവ്യത്യാസം അനുഭവപ്പെട്ടതിനെതുടർന്ന് പരിശോധിച്ചപ്പോഴാണ് അടപ്പിലും കുപ്പിക്കുള്ളിലും വെളുത്ത പുഴുക്കളെ കണ്ടെത്തിയത്. തിങ്കളാഴ്ച ആരോഗ്യവകുപ്പിലും ഉപഭോക്തൃ കോടതിയിലും പരാതി നൽകാനൊരുങ്ങുകയാണ് നിശാന്ത്.