കാട്ടുകൊമ്പനെ ഷോക്കേറ്റ് ചെരിഞ്ഞ നിലയിൽ കണ്ടെത്തി

ഗൂഡല്ലൂർ: കൊമ്പനാനയെ ഷോക്കേറ്റ് ചരിഞ്ഞ നിലയിൽ കണ്ടെത്തി. പന്തല്ലൂർ താലൂക്കിലെ മുരുക്കംമ്പാടി വട്ടകൊല്ലി ഭാഗത്ത് സ്വകാര്യ വ്യക്തിയുടെ തേയിലത്തോട്ടത്തിലാണ്​ നാല്​ വയസു മതിക്കുന്ന കാട്ടുകൊമ്പൻ ഷോക്കേറ്റ് ചെരിഞ്ഞത്. വ്യാഴാഴ്ച രാവിലെ പതിനൊന്നര മണിയോടെയാണ് ആനയെ ചെരിഞ്ഞ നിലയിൽ കണ്ടത്.

കോട്ടക്കുന്ന് ഹൗസ് ഷാജി വർഗീസി​െൻറ തേയിലത്തോട്ടത്തിലാണ് ആന ചരിഞ്ഞത്. വന്യമൃഗശല്യം തടുക്കാനായി അനധികൃതമായി വൈദ്യുതവേലി സ്ഥാപിച്ചിരുന്നതായി പറയപ്പെടുന്നു. തേയിലക്കാട്ടിൽ കയറിയ ആനക്ക് കമ്പിവേലിയിൽനിന്ന് ഷോക്കേൽക്കുകയായിരുന്നുവെന്നാണ് അന്വേഷണത്തിൽ വ്യക്തമായത്. റേഞ്ചർ മനോഹരൻ, വെറ്ററിനറി ഡോക്‌ടർ രാജേഷ് എന്നിവരുടെ നേതൃത്വത്തിൽ പോസ്റ്റ്മോർട്ടം നടപടികൾ സ്വീകരിച്ചു.