കൽപറ്റ: വയനാടൻ റോബസ്റ്റ കാപ്പി ഭൗമസൂചിക (ജിയോഗ്രഹിക്കൽ ഇൻഡിക്കേഷൻസ് ടാഗ്) പട്ടികയിൽ ഇടംപിടിച്ചു. പശ്ചിമഘട്ടത്തിലെ ജൈവ വൈവിധ്യമാർന്ന പച്ചപ്പിൽ, തണുപ്പു നി റഞ്ഞ കാലാവസ്ഥയിൽ വളരുന്ന വയനാടൻ റോബസ്റ്റ കാപ്പിക്ക് ഭൗമശാസ്ത്രപരമായി ഏ റെ സവിശേഷതകളും തനതു ഗുണങ്ങളുമുണ്ടെന്ന നിരീക്ഷണം അംഗീകരിച്ചാണ് ഭൗമസൂചിക പദവി നൽകിയത്.
കൂർഗിലെ അറബിക്ക കാപ്പി, ചിക്മംഗളൂർ അറബിക്ക കാപ്പി, അരകുവാലി അറബിക്ക കാപ്പി, ബാബാബുദൻഗിരി അറബിക്ക കാപ്പി എന്നിവയും വയനാടൻ റോബസ്റ്റക്കൊപ്പം ഭൗമസൂചിക പട്ടികയിൽ ഇടംനേടി. മാർച്ച് ഒന്നിനാണ് ചെന്നൈയിലെ ഭൗമസൂചിക ഇൻഡിക്കേഷൻ രജിസ്ട്രി ഇവയെ പുതുതായി പട്ടികയിൽ ഉൾപ്പെടുത്തിയത്.
വയനാട്ടിലെ കാപ്പിയുടെ തനിമയും ഗുണനിലവാരവും കൃഷിരീതിയുടെ പ്രത്യേകതകളും ചൂണ്ടിക്കാട്ടിയാണ് പദവിക്ക് അപേക്ഷിച്ചത്. കേരളത്തിലെ കാപ്പി ഉൽപാദനത്തിെൻറ 90 ശതമാനവും വയനാട്ടിലാണ്. ജില്ലയിൽ ഉൽപാദിപ്പിക്കുന്ന കാപ്പിയുടെ 95 ശതമാനമാകെട്ട, റോബസ്റ്റ ഇനത്തിൽപെട്ടതും. ഭൗമസൂചിക പദവി ലഭിച്ചതോടെ വിപണിയില് വില ഉയരുമെന്നും കയറ്റുമതിയിൽ വർധനയുണ്ടാകുമെന്നുമുള്ള പ്രതീക്ഷയിലാണ് കർഷകർ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.