കണ്ണൂർ: മുൻ എം.എൽ.എ ടി.വി. രാജേഷിനെ സി.പി.എം കണ്ണൂർ ജില്ല ആക്ടിങ് സെക്രട്ടറിയായി നിയമിച്ചു. സംസ്ഥാന സെക്രട്ടറി എം.വി. ഗോവിന്ദന്‍, കേന്ദ്ര കമ്മിറ്റി അംഗം പി.കെ. ശ്രീമതി എന്നിവർ പങ്കെടുത്ത ജില്ല കമ്മിറ്റി യോഗത്തിലാണ് തീരുമാനം. നിലവിലെ സെക്രട്ടറി എം.വി. ജയരാജൻ കണ്ണൂർ ലോക്സഭ മണ്ഡലത്തിലെ എൽ.ഡി.എഫ് സ്ഥാനാർഥിയായതിനെ തുടർന്നാണിത്. സി.പി.എം സംസ്ഥാന കമ്മിറ്റിയംഗമാണ് ടി.വി. രാജേഷ്.
2019 ൽ വടകര ലോക്സഭ മണ്ഡലത്തിൽ പി. ജയരാജൻ മൽസരിക്കുന്ന വേളയിലാണ് എം.വി. ജയരാനെ ജില്ല ആക്ടിങ് സെക്രട്ടറിയായി നിയമിച്ചത്. തുടർന്ന് നടന്ന ജില്ല സമ്മേളനത്തിൽ ഇദ്ദേഹം സെക്രട്ടറിയായി. ജില്ല കമ്മിറ്റി യോഗത്തില്‍ എന്‍. ചന്ദ്രന്‍ അധ്യക്ഷത വഹിച്ചു. എം.വി. ജയരാജന്‍ സ്വാഗതം പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.