ബംഗളൂരു / പാലക്കാട്: യു.എ.ഇ കോൺസുലേറ്റിെൻറ ഡിപ്ലോമാറ്റിക് ബാഗേജ് ഉപയോഗിച്ച് സ്വർണം കടത്തിയ കേസിൽ പിടിയിലായ സ്വപ്ന സുരേഷും സന്ദീപ് നായരുമായി ബംഗളൂരുവിൽനിന്ന് കൊച്ചിയിലേക്ക് വരികയായിരുന്ന എൻ.ഐ.എ സംഘത്തിന്‍റെ വാഹനം പഞ്ചറായി. പ്രതികളെ വ്യത്യസ്ത വാഹനത്തിലാണ് കൊണ്ടുവന്നിരുന്നത്. ഇതിൽ സ്വപ്ന സുരേഷ് സഞ്ചരിച്ച വാഹനത്തിന്‍റെ ടയർ കുതിരാനിലെത്താനിരിക്കെയാണ് പഞ്ചറായത്.
ഇതോടെ റോഡരികിൽ വാഹനം നിർത്തി സ്വപ്നയെ സന്ദീപ് നായർ സഞ്ചരിക്കുന്ന വാഹനത്തിലേക്ക് മാറ്റി.
ഞായറാഴ്ച രാവിലെയാണ് പ്രതികളുമായി ബംഗളൂരുവിൽനിന്ന് കേരളത്തിലേക്ക് അതിവേഗത്തിൽ എൻ.ഐ.എ വാഹനവ്യൂഹം പുറപ്പെട്ടത്. സേലം, വാളയാർ വഴിയാണ് സംഘം കേരളത്തിലേക്ക് പ്രവേശിച്ചത്. കൊച്ചി എൻ.െഎ.എ ഒാഫിസിലെത്തിച്ച് പ്രതികളെ വിശദമായി ചോദ്യംചെയ്യും. ഇരുവരെയും എത്തിക്കുന്നതിന്‍റെ ഭാഗമായി കൊച്ചി, തിരുവനന്തപുരം കസ്റ്റംസ് ഓഫിസുകളിൽ നേരത്തെ സി.ഐ.എസ്.എഫ് സുരക്ഷ ഏർപ്പെടുത്തിയിട്ടുണ്ട്.
Latest Video:
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.