ത​ൽ​ക്കാ​ൽ കൊ​ള്ള; കൈ​പൊ​ള്ളി ട്രെ​യി​ൻ യാ​ത്ര

തി​രു​വ​ന​ന്ത​പു​രം: അ​ടി​യ​ന്ത​ര സാ​ഹ​ച​ര്യ​ങ്ങ​ളി​ൽ യാ​ത്ര​ക്കാ​ർ​ക്ക്​ ടി​ക്ക​റ്റ്​ ല​ഭ്യ​മാ​ക്കു​ക എ​ന്ന സ​ങ്ക​ൽ​പ​ത്തി​ൽ ആ​രം​ഭി​ച്ച ത​ൽ​ക്കാ​ൽ റെ​യി​ൽ​വേ ലാ​ഭം കൊ​യ്യാ​നു​ള്ള കു​റു​ക്കു​വ​ഴി​യാ​ക്കു​ന്നു. കോ​ച്ചി​ന്റെ പ​ര​മാ​വ​ധി ശേ​ഷി​യു​ടെ 30 ശ​ത​മാ​ന​ത്തി​ൽ ക​വി​യാ​ൻ പാ​ടി​ല്ലെ​ന്ന വ്യ​വ​സ്ഥ കാ​റ്റി​ൽ​പ​റ​ത്തി മൊ​ത്തം ടി​ക്ക​റ്റി​ന്‍റെ 50 ശ​ത​മാ​ന​വും സീ​സ​ണു​ക​ളി​ൽ അ​തി​ലേ​റെ​യും ത​ൽ​ക്കാ​ലി​ലേ​ക്ക്​ മാ​റ്റു​ക​യാ​ണ് റെ​യി​ൽ​വേ.

സ്വാ​ഭാ​വി​ക​മാ​യും സാ​ധാ​ര​ണ ടി​ക്ക​റ്റ്​ വേ​ഗം തീ​രു​ക​യും ത​ൽ​ക്കാ​ൽ എ​ടു​ക്കാ​ൻ യാ​ത്ര​ക്കാ​ർ നി​ർ​ബ​ന്ധി​ത​രാ​വു​ക​യും ചെ​യ്യും. ക്രി​സ്മ​സ്​ കാ​ല​ത്തെ ​ട്രെ​യി​ൻ റി​സ​ർ​വേ​ഷ​നു​ക​ൾ ഈ ​ദു​ര​നു​ഭ​വ​ത്തി​ന്​ സാ​ക്ഷ്യം. തൊ​ട്ടു​മു​ൻ സാ​മ്പ​ത്തി​ക​വ​ർ​ഷ​ത്തെ ഓ​രോ ക്ലാ​സി​ലെ​യും തി​ര​ക്കും സീ​റ്റ് ല​ഭ്യ​ത​യും ഉ​പ​യോ​ഗ​രീ​തി​യും ക​ണ​ക്കി​ലെ​ടു​ത്ത് അ​ത​ത്​ സോ​ണു​ക​ളാ​ണ്​ ത​ൽ​ക്കാ​ൽ ​ക്വോ​ട്ട നി​ശ്ച​യി​ക്കേ​ണ്ട​ത്. അ​ധി​ക നി​ര​ക്ക്​ ഈ​ടാ​ക്കു​ന്ന സ്​​പെ​ഷ​ൽ ട്രെ​യി​നു​ക​ളി​ലും ത​ൽ​ക്കാ​ൽ ക​ച്ച​വ​ട​ത്തി​ലാ​ണ്​ റെ​യി​ൽ​വേ​യു​ടെ ക​ണ്ണ്.

ഉ​യ​ർ​ന്ന നി​ര​ക്കി​ന്​ ആ​നു​പാ​തി​ക​മാ​യ ത​ൽ​ക്കാ​ൽ നി​ര​ക്കാ​ണ്​ സ്​​പെ​ഷ​ൽ ട്രെ​യി​നു​ക​ളി​ൽ. യാ​ത്ര​ക്കാ​രു​ടെ എ​ണ്ണ​ത്തി​ൽ കാ​ര്യ​മാ​യ വ​ർ​ധ​ന​യി​​ല്ലെ​ങ്കി​ലും റെ​യി​ൽ​വേ​യു​ടെ വ​രു​മാ​ന​ത്തി​ൽ വ​ൻ വ​ർ​ധ​ന​യു​ണ്ട്. യാ​ത്ര​ക്കാ​രു​ടെ എ​ണ്ണം ഏ​ഴ്​ ശ​ത​മാ​നം മാ​​ത്രം​ കൂ​ടി​യ​പ്പോ​ൾ വ​രു​മാ​നം കു​തി​ച്ച​ത് 48 ശ​ത​മാ​ന​മാ​ണ്.

യാ​ത്ര​ക്കാ​രു​ടെ ശ്ര​ദ്ധ​ക്ക്; നി​ങ്ങ​ൾ പ​റ്റി​ക്ക​പ്പെ​ട്ടി​രി​ക്കു​ന്നു

ക്രി​സ്മ​സും പു​തു​വ​ർ​ഷ​വു​മാ​യ​തോ​ടെ ട്രെ​യി​നു​ക​ളി​ലൊ​ന്നും ടി​ക്ക​റ്റി​ല്ല. ത​ൽ​ക്കാ​ലി​നാ​യി ആ​ശ്ര​യി​ച്ച​വ​രെ റെ​യി​ൽ​വേ പ​റ്റി​ക്കു​ക​യും ചെ​യ്​​തു. ത​ൽ​ക്കാ​ലി​നാ​യി ശ്ര​മി​ക്കു​മ്പോ​ൾ 150ഉം 170​ഉം ടി​ക്ക​റ്റ്​ ‘അ​വ​യി​ല​ബി​ൾ’ എ​ന്ന്​ കാ​ണി​ക്കും. എ​ന്നാ​ൽ, ഓ​ൺ​​ലൈ​ൻ ഇ​ട​പാ​ട്​ വ​ഴി പ​ണം ന​ൽ​കി ടി​ക്ക​റ്റ്​ ല​ഭി​ക്കു​മ്പോ​ഴാ​ക​ട്ടെ വെ​യി​റ്റി​ങ്​ ലി​സ്റ്റ്​ 22ഉം 25​ഉം.

ത​ൽ​ക്കാ​ൽ അ​ധി​ക നി​ര​ക്ക്

​ സെ​ക്ക​ൻ​ഡ് ക്ലാ​സ് -അ​ടി​സ്ഥാ​ന നി​ര​ക്കി​ന്റെ 10 ശ​ത​മാ​നം

മ​റ്റു ക്ലാ​സു​ക​ൾ -30 ശ​ത​മാ​നം

സ്ലീ​പ്പ​ർ - 100 -200 രൂ​പ (500 കി​ലോ​മീ​റ്റ​ർ പ​രി​ധി)

തേ​ർ​ഡ് എ.​സി -125 -225 രൂ​പ

സെ​ക്ക​ൻ​ഡ് എ.​സി -ചു​രു​ങ്ങി​യ​ത് 400 രൂ​പ

പ്രീ​മി​യം കൊ​ള്ള

ത​ൽ​ക്കാ​ലി​ൽ നി​ശ്ചി​ത ശ​ത​മാ​നം സീ​റ്റ്​ കൂ​ടു​ത​ൽ നി​ര​ക്ക്​ ന​ൽ​കേ​ണ്ട പ്രീ​മി​യം ത​ൽ​ക്കാ​ൽ ടി​ക്ക​റ്റാ​ണ്. ഇ​തി​ൽ ഡൈ​നാ​മി​ക്​ ടി​ക്ക​റ്റ്​ ഫെ​യ​ർ സം​വി​ധാ​ന​മാ​ണ്. വി​മാ​ന​യാ​ത്ര​യു​ടേ​ത്​ പോ​ലെ ടി​ക്ക​റ്റ്​ വി​ൽ​പ​ന​ക്ക​നു​സ​രി​ച്ച്​ നി​ര​ക്ക്​ കു​തി​ച്ചു​യ​രും. ഓ​ൺ​ലൈ​ൻ വ​ഴി മാ​ത്ര​മേ പ്രീ​മി​യം ത​ൽ​ക്കാ​ൽ ബു​ക്ക്​ ചെ​യ്യാ​നാ​കൂ. ഇ​ത് റ​ദ്ദാ​ക്കി​യാ​ൽ ചെ​യ്താ​ൽ ഒ​രു രൂ​പ പോ​ലും തി​രി​കെ ല​ഭി​ക്കി​ല്ല.

ടി​ക്ക​റ്റ് റ​ദ്ദാ​ക്ക​ൽ വ​ഴി റെ​യി​ൽ​വേ​യു​ടെ അ​ക്കൗ​ണ്ടി​ലെ​ത്തി​യ തു​ക