തിരുവല്ല: പടിഞ്ഞാറ്റുംചേരി കാവുങ്കൽ ശ്രീ ധർമ്മ ശാസ്താ ക്ഷേത്രത്തിൽ മോഷണം. ക്ഷേത്ര ശ്രീകോവിലും ഓഫീസ് മുറിയും കുത്തിത്തുറന്ന മോഷ്ടാവ് ഓഫീസിലെ മേശക്കുള്ളിൽ സൂക്ഷിച്ചിരുന്ന ആയിരത്തോളം രൂപ കവർന്നു.
ക്ഷേത്രം തുറക്കുന്നതിനായി ഞായറാഴ്ച രാവിലെ ആറു മണിയോടെ പൂജാരി എത്തിയപ്പോഴാണ് മോഷണ വിവരം പുറത്തറിഞ്ഞത്. പൂട്ട് തകർക്കാൻ ഉപയോഗിച്ചതെന്ന് കരുതുന്ന വെട്ടുകത്തി ഓഫീസിലെ മേശയുടെ മുകളിൽ നിന്നും കണ്ടെടുത്തിട്ടുണ്ട്. ക്ഷേത്ര ഭാരവാഹികൾ നൽകിയ പരാതിയിൽ തിരുവല്ല പൊലീസ് കേസെടുത്ത് അന്വേഷണം ആരംഭിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.