കാട്ടുപോത്ത് ഭീതിക്ക് താൽക്കാലികാശ്വാസം; വനത്തിൽ കയറ്റിവിട്ടു

അ​ഞ്ച​ൽ: ക​ഴി​ഞ്ഞ മൂ​ന്നു​ദി​വ​സ​മാ​യി ഇ​ട​മു​ള​യ്ക്ക​ൽ, ഇ​ട്ടി​വ, ച​ട​യ​മം​ഗ​ലം പ​ഞ്ചാ​യ​ത്തു​ക​ളു​ടെ വി​വി​ധ ഭാ​ഗ​ങ്ങ​ളി​ൽ ചു​റ്റി​ക്ക​റ​ങ്ങി​യ കാ​ട്ടു​പോ​ത്തി​നെ വ​നം വ​കു​പ്പ്​ ഉ​ദ്യോ​ഗ​സ്ഥ​രു​ടെ ത​ന്ത്ര​പ​ര​മാ​യ നീ​ക്ക​ത്തി​നൊ​ടു​വി​ൽ കു​ള​ത്തൂ​പ്പു​ഴ വ​ന​മേ​ഖ​ല​യി​ലേ​ക്ക് ക​യ​റ്റി​വി​ട്ടു.

ഇ​തോ​ടെ നാ​ട്ടു​കാ​ർ​ക്ക് കാ​ട്ടു​പോ​ത്ത് ഭീ​തി​യി​ൽ​നി​ന്ന്​ താ​ൽ​ക്കാ​ലി​കാ​ശ്വാ​സ​മാ​യി. ആ​യൂ​ർ കൊ​ടി​ഞ്ഞ​ൽ ഭാ​ഗ​ത്ത് റ​ബ​ർ പു​ര​യി​ട​ത്തി​ൽ ഗൃ​ഹ​നാ​ഥ​ൻ കാ​ട്ടു​പോ​ത്തി​ന്‍റെ ആ​ക്ര​മ​ണ​ത്തി​ൽ കൊ​ല്ല​പ്പെ​ടു​ക​യും ഒ​പ്പ​മു​ണ്ടാ​യി​രു​ന്ന മ​റ്റൊ​രെ​ണ്ണം നാ​ട്ടി​ൽ അ​ല​ഞ്ഞു​തി​രി​യു​ക​യും ചെ​യ്ത​തോ​ടെ​യാ​ണ് ജ​നം ഭ​യ​ച​കി​ത​രാ​യ​ത്. ജ​ന​വാ​സ​മേ​ഖ​ല​യി​ലും വീ​ട്ടു​മു​റ്റ​ങ്ങ​ളി​ലും കാ​ട്ടു​പോ​ത്തി​ന്‍റെ സാ​ന്നി​ധ്യം നാ​ട്ടു​കാ​രി​ൽ ഭീ​തി​യു​യ​ർ​ത്തി. റ​ബ​ർ ടാ​പ്പി​ങ് ഉ​ൾ​പ്പെ​ടെ ജോ​ലി​ക​ൾ മു​ട​ങ്ങി.

അ​ഞ്ച​ൽ, പ​ത്ത​നാ​പു​രം റേ​ഞ്ചു​ക​ളി​ലെ വ​ന​പാ​ല​ക​രെ​ക്കൂ​ടാ​തെ കോ​ന്നി, തേ​ക്ക​ടി എ​ന്നി​വി​ട​ങ്ങ​ളി​ൽ​നി​ന്ന്​ ആ​ർ.​ആ​ർ.​ടി അം​ഗ​ങ്ങ​ൾ ഉ​ൾ​പ്പെ​ടെ അ​റു​പ​തോ​ളം വ​നം വ​കു​പ്പ്​ ഉ​ദ്യോ​ഗ​സ്ഥ​രും അ​ഞ്ച​ൽ, ച​ട​യ​മം​ഗ​ലം, ക​ട​യ്ക്ക​ൽ പൊ​ലീ​സും ചേ​ർ​ന്ന്​ ന​ട​ത്തി​യ പ​രി​ശ്ര​മ​ത്തെ തു​ട​ർ​ന്നാ​ണ് കാ​ട്ടു​പോ​ത്തി​നെ കു​ള​ത്തൂ​പ്പു​ഴ വ​ന​മേ​ഖ​ല​യി​ലേ​ക്ക് ക​യ​റ്റി​വി​ട്ട​ത്.

പൊ​തു​ജ​നം ആ​ശ​ങ്ക​പ്പെ​ടേ​ണ്ട​തി​ല്ലെ​ന്നും വ​ന്യ​ജീ​വി​ക​ളു​ടെ സാ​ന്നി​ധ്യം ശ്ര​ദ്ധ​യി​ൽ​പെ​ട്ടാ​ൽ വി​വ​രം വ​നം വ​കു​പ്പ്​ അ​ധി​കൃ​ത​രെ​യോ പൊ​ലീ​സി​നെ​യോ അ​റി​യി​ക്ക​ണ​മെ​ന്നും അ​ഞ്ച​ൽ ഫോ​റ​സ്റ്റ് റേ​ഞ്ച് ഓ​ഫി​സ​ർ ടി.​എ​സ്. സ​ജു അ​റി​യി​ച്ചു.