ഷൊർണൂർ: റെയിൽവേ സ്റ്റേഷനിലെത്തിയ ട്രെയ്നിൽ നടത്തിയ തെരച്ചിലിൽ പത്തര കിലോ തൂക്കം വരുന്ന കഞ്ചാവ് കണ്ടെത്തി. റെയിൽവേ പൊലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ ഉച്ചക്ക് ഒന്നരയോടെ ഷൊർണൂരിലെത്തിയ മംഗലാപുരം-നാഗർകോവിൽ എക്സ്പ്രസിൽ നടത്തിയ പരിശോധനയിലാണ് കണ്ടെത്തിയത്. ബാഗിൽ അഞ്ച് പ്ലാസ്റ്റിക് കവറുകളിൽ പൊതിഞ്ഞ നിലയിലായിരുന്നു.
കഴിഞ്ഞ പത്ത് ദിവസത്തിനിടെ രണ്ടാം തവണയാണ് ഷൊർണൂർ റെയിൽവേ സ്റ്റേഷനിൽനിന്ന് കഞ്ചാവ് കണ്ടെത്തുന്നത്. വരും ദിവസങ്ങളിൽ കൂടുതൽ പരിശോധനക്കായി പൊലീസ് നായുടെ സേവനം കൂടി ലഭ്യമാക്കുമെന്ന് അധികൃതർ പറഞ്ഞു. റെയിൽവേ സി.ഐ പി.വി. രമേശ്, എസ്.ഐ അനിൽ മാത്യു, സി.പി.ഒ മാരായ മുരുകൻ, സുജേഷ്, രാജീവ് എന്നിവരാണ് പരിശോധന സംഘത്തിലുണ്ടായിരുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.