Posted On
date_range Updated On
date_range ഷോളയാർ ഡാമിൽ ജലനിരപ്പ് ഉയരുന്നു; ചാലക്കുടി പുഴയോരത്ത് ജാഗ്രതാ നിർദേശം
തൃശൂർ: ഷോളയാർ ഡാമിലെ ജലനിരപ്പ് വ്യാഴാഴ്ച ഉച്ചയോടെ 2658.90 അടിയായതിനാൽ തൃശൂർ ജില്ല കലക്ടർ ഒന്നാം മുന്നറിയിപ്പ് പുറപ്പെടുവിച്ചു. അതിനാൽ ചാലക്കുടി പുഴയുടെ കരയിലുള്ളവർ വരും ദിവസങ്ങളിൽ ജാഗ്രത പാലിക്കണം.
2663 അടിയാണ് ഡാമിന്‍റെ പൂർണ സംഭരണ ശേഷി. തമിഴ്നാട് ഷോളയാർ പവർ ഹൗസ് ഡാമിൽനിന്ന് കേരള ഷോളയാർ ഡാമിലേക്ക് 500 ക്യുസെക്സ് വെള്ളം ഒഴുകി എത്തുന്നുണ്ട്. ഈ നീരൊഴുക്ക് തുടർന്നാൽ വരും ദിവസങ്ങളിൽ ഡാമിന്‍റെ ജലനിരപ്പ് പൂർണശേഷിയിൽ എത്തും. ഇതേ തുടർന്നാണ് കലക്ടർ ഒന്നാം മുന്നറിയിപ്പ് നൽകിയത്.
അതേസമയം, ഷോളയാർ ഡാമിന്‍റെ വൃഷ്ടിപ്രദേശത്ത് വളരെ കുറഞ്ഞ അളവിൽ മാത്രമാണ് മഴ ലഭിക്കുന്നത്. ഡാമിൽ നിലവിൽ സംഭരണ ശേഷിയുടെ
92.62 ശതമാനം വെള്ളമുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.