ശോഭ സുരേന്ദ്രന്‍റെ വിട്ടുനിൽക്കൽ ബി.ജെ.പി പ്രവർത്തകർക്കിടയിൽ ചർച്ചയാകുന്നു

പാലക്കാട്​: ബി.ജെ.പി നേതാവ്​ ശോഭ സുരേന്ദ്ര​െൻറ വിട്ടുനൽക്കൽ പാർട്ടി പ്രവർത്തകർക്കിടയിൽ ചർച്ചയാകുന്നു. മഹിള മോർച്ചയുടേയും ബി.ജെ.പിയുടേയും സമരപരിപാടികളിൽ സജീവ സാന്നിധ്യമായിരുന്ന ശോഭ സുരേന്ദ്രൻ ഏഴ്​ മാസത്തോളമായി പാർട്ടി പരിപാടികളിൽനിന്നും പൂർണ്ണമായും വിട്ടുനിൽക്കുകയാണ്​.

സ്വർണ്ണകടത്ത്​ അടക്കം രാഷ്​ട്രീയ വിവാദങ്ങളിലൊന്നും പ്രതികരിക്കാതെ ശോഭ, പൂർണ്ണമായും മൗനത്തിലാണ്​. മന്ത്രി കെ.ടി. ജലീലി​െൻറ രാജി ആവശ്യപ്പെട്ട്​ സംസ്ഥാന വ്യാപകമായി ബി.ജെ.പിയും പോഷക സംഘടനകളും കാടിളക്കിയുള്ള പ്ര​േക്ഷാഭങ്ങൾ സംഘടിപ്പിച്ചിട്ടും എവിടേയും ശോഭ പ്രത്യക്ഷപ്പെട്ടിട്ടില്ല. പാർട്ടി പരിപാടികൾക്കൊന്നും എത്താത്തത്​ പ്രവർത്തകർക്കിടയിൽ ചർച്ചയായിട്ടുണ്ട്​.

കഴിഞ്ഞ നിയമസഭ തെരഞ്ഞെടുപ്പിൽ ശോഭ രണ്ടാംസ്ഥാനത്ത്​ വന്ന പാലക്കാട്​ മണ്ഡലത്തിൽ അവർ എത്തിയിട്ട്​ മാസങ്ങളായി. കഴിഞ്ഞ പുനസംഘടന വേളയിൽ സംസ്ഥാന അധ്യക്ഷ സ്ഥാനത്തേക്ക്​ വരെ ശോഭ സുരേന്ദ്ര​െൻറ പേരു പറഞ്ഞുകേട്ടിരുന്നു. കെ. സുരേന്ദ്രൻ സംസ്ഥാന പ്രസിഡൻറ്​ പദവിയിൽ വന്നതിനുശേഷം ശോഭ സു​േ​രന്ദ്രൻ പാർട്ടി പരിപാടികളിൽനിന്നും വിട്ടുനിൽക്കുകയാണ്​.

സംസ്ഥാന ജന. സെക്രട്ടറി ആയിരുന്ന ശോഭ സുരേന്ദ്രന്​ പുനസംഘടനയിൽ വൈസ്​ പ്രസിഡൻറ്​ സ്ഥാനമാണ്​ ലഭിച്ചത്​. പാർട്ടിയുടെ കോർ കമ്മിറ്റി യോഗങ്ങളിൽ വൈസ്​ പ്രസിഡൻറുമാർക്ക്​ ക്ഷണമുണ്ടാവാറില്ല. ഒതുക്കപ്പെട്ടുവെന്ന തോന്നലാണ്​ ​േശാഭ സുരേന്ദ്ര​​െൻറ വിട്ടുനിൽക്കലിലേക്ക്​ നയിച്ചതെന്നാണ്​ ​ സൂചന.

ഇതുസംബന്ധിച്ച്​ പ്രതികരണം ആരാഞ്ഞുള്ള ടെല​ിഫോൺ കോളുകളും അവർ എടുക്കുന്നില്ല. സംസ്ഥാന ഭാരവാഹികളെ നിശ്​ചയിച്ചപ്പോൾ എം.ടി. രമേഷിനെ ജന​ സെ​​ക്രട്ടറി സ്ഥാനത്ത്​ നിലനിർത്തുകയും പി. സുധീർ, സി. കൃഷ്​ണകുമാർ, ജോർജ്​ കുര്യൻ എന്നിവർ പുതുതായി ജന. സെക്രട്ടറിമാരാവുകയുംചെയ്​തു. ജന. സെക്രട്ടറിമാരായിരുന്ന ശോഭ സു​േ​രന്ദ്രനും എ.എൻ. രാധാകൃഷ്​ണനും വൈസ്​ പ്രസിഡൻറുമാരായി ഒതുക്കപ്പെട്ടു.

സുരേന്ദ്രൻ-കൃഷ്​ണദാസ്​ പക്ഷങ്ങൾ തമ്മിലുള്ള പോര്​, ശോഭയുടെ വിട്ടുനിൽക്കലോടെ വഴിത്തിരിയിരിക്കുകയാണ്​. ശോഭ സുരേന്ദ്രൻ ഇപ്പോഴും പാർട്ടിയുടെ ഉപാധ്യക്ഷയാണെന്നും പരിപാടികളിൽ എന്തുകൊണ്ട്​ പ​െങ്കടുക്കുന്നില്ല എന്ന്​ അവരോട്​ തന്നെ ചോദിക്കണമെന്നുമായിരുന്നു ഇതുസംബന്ധിച്ചുള്ള ചോദ്യത്തിന്​ സംസ്ഥാന പ്രസിഡൻറ്​ കെ. സു​േരന്ദ്ര​െൻറ പ്രതികരണം.