ഇരിട്ടി: തില്ലങ്കേരി ഗ്രാമപഞ്ചായത്തിലെ ആധുനിക ശ്മശാനം നിര്മാണം പൂര്ത്തിയാകുന്നു. കെട്ടിട നിര്മാണ പ്രവൃത്തി പൂര്ത്തിയായി. ഫര്ണസ് ചിമിനി, ജനറേറ്റര് എന്നിവ കൂടി സ്ഥാപിച്ചാല് ശ്മശാനം നാടിന് സമര്പ്പിക്കും. ഒരു കോടിയോളം രൂപ ചെലവില് ഘട്ടം ഘട്ടമായാണ് പ്രവൃത്തി നടത്തിയത്. ജില്ല പഞ്ചായത്തിെൻറയും ബ്ലോക്ക് പഞ്ചായത്തിെൻറയും ഗ്രാമപഞ്ചായത്തിെൻറയും ഫണ്ട് ഉപയോഗിച്ചാണ് നിര്മിക്കുന്നത്.
ആദ്യ ഘട്ടത്തില് 30 ലക്ഷം രൂപ ചെലവില് കെട്ടിടവും ചുറ്റുമതിലുമാണ് നിര്മിച്ചത്. വര്ഷങ്ങള്ക്കുമുമ്പ് ഒരേക്കര് സ്ഥലം പഞ്ചായത്ത് ശ്മശാനം നിര്മിക്കാനായി വാങ്ങിയിരുന്നെങ്കിലും വഴിയുമായി ബന്ധപ്പെട്ട പ്രശ്നം മൂലം നിര്മാണം തടസ്സപ്പെടുകയായിരുന്നു.
കെട്ടിട നിര്മാണം പൂര്ത്തിയായതോടെ എം.എല്.എ ഫണ്ടില്നിന്നും മന്ത്രി ഇ.പി. ജയരാജന് അനുവദിച്ച 30 ലക്ഷം രൂപയുടെ ആധുനിക ഗ്യാസ് ഫര്ണസ്, ജനറേറ്റര് സ്ഥാപിക്കല് തുടങ്ങിയ പ്രവൃത്തി ആരംഭിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.