ബിഷപ്പിനെതിരായ പീഡനക്കേസ്​: തെളിവുകൾ ലഭിച്ചാൽ അറസ്​റ്റെന്ന്​ ഡി.ജി.പി

കൊച്ചി: കന്യാസ്​ത്രീയെ പീഡിപ്പിച്ചെന്ന കേസിൽ  ബിഷപ് ഫ്രാ​േങ്കാ മുളക്കലിനെതിരെ അന്വേഷണസംഘം തെളിവുകൾ ശേഖരിച്ചുകൊണ്ടിരിക്കയാണെന്ന്​ ഡി.ജി.പി ലോക്​നാഥ്​ ബെഹ്​റ. കേസ്​ അന്വേഷണത്തിൽ പൊലീസിന്​ മേൽ സമ്മർദമില്ല. കൂടുതൽ തെളിവുകൾ ശേഖരിച്ച ശേഷമേ ആരോപണവിധേയരിലേക്ക്​ എത്തൂ. അറസ്​റ്റുണ്ടായാൽ മാത്രമേ അന്വേഷണം നടക്കുന്നുള്ളൂവെന്ന ചിന്ത തെറ്റാണ്​. കൃത്യമായ പൊലീസ്​ അന്വേഷണം നടക്കുന്നുണ്ടെന്നും തെളിവുകൾ പൂർണമായി ലഭിച്ചാൽ അറസ്​റ്റുണ്ടാകുമെന്നും ഡി.ജി.പി പറഞ്ഞു. 

കുമ്പസാര രഹസ്യം മറയാക്കി വീട്ടമ്മയെ പീഡിപ്പിച്ചെന്ന കേസിൽ ഒാർത്തഡോക്​സ്​ വൈദികർക്കെതിരെയുള്ള അന്വേഷണവും ഇത്തരത്തിലാണ്​ മുന്നോട്ടുകൊണ്ടുപോയത്​. തെളിവുകൾ ലഭിച്ച സാഹചര്യത്തിലാണ്​ കഴിഞ്ഞ ദിവസം ഫാ.ജോബ്​ മാത്യുവിനെ അറസ്​റ്റുചെയ്​തത്​. അന്വേഷണം ശരിയായ ദിശയിലാണെന്നും ഡി.ജി.പി പറഞ്ഞു.