കഴുത്തു ഞെരിച്ച്​ കൊല്ലാൻ ശ്രമിച്ചപ്പോൾ ഹമാസ് പ്രതികരിച്ചു; കോൺഗ്രസ് പൊരുതുന്ന ഫലസ്തീനൊപ്പമെന്ന് ചെന്നിത്തല

തിരുവനന്തപുരം: ഹമാസ്​ വിഷയത്തിൽ ശശി തരൂരിനെ തള്ളിയും തലോടിയും മുൻ പ്രതിപക്ഷ നേതാവ്​ രമേശ്​ ചെന്നിത്തല. ഹമാസ്​ നടത്തുന്നത്​ ഭീകരപ്രവർത്തനമാണെന്ന്​ കോൺഗ്രസ്​ ഒരിടത്തും പറഞ്ഞിട്ടില്ലെന്ന്​ ചെന്നിത്തല പറഞ്ഞു.

കഴുത്തു ഞെരിച്ച്​ കൊല്ലാൻ ശ്രമിച്ചപ്പോൾ അവർ പ്രതികരിച്ചു. അതിനെ തീവ്രപ്രവർത്തനമായി താൻ കാണുന്നില്ല. പൊരുതുന്ന ഫലസ്തീനൊപ്പമാണ്​ കോൺഗ്രസ്​. വർഷങ്ങളായി അവിടത്തെ ജനതയുടെ പോരാട്ടം തനിക്കറിയാം. ജീവിക്കാനുള്ള അവകാശം പോലും നഷ്ടപ്പെടുത്തു​മ്പോൾ അവർ പോരാടാൻ നിർബന്ധിതരാവുകയാണെന്ന് ചെന്നിത്തല പറഞ്ഞു.

ശശി തരൂരിനെ ആരും ഒറ്റപ്പെടുത്തേണ്ട. അദ്ദേഹം തന്‍റെ നിലപാട്​ വ്യക്തമാക്കിക്കഴിഞ്ഞു. അദ്ദേഹം ഫലസ്തിനൊപ്പമാണെന്ന്​ പറഞ്ഞു കഴിഞ്ഞു. അതിനു​ ശേഷം വിവാദത്തിന്​ പ്രസക്തിയില്ലെന്ന്​ ചെന്നിത്തല വ്യക്തമാക്കി.