വ്യത്യസ്തതകള്‍ സമ്മാനിച്ച കാലങ്ങള്‍

സ്വന്തം നാടായ തമിഴ്​നാട്ടിലെ സേലത്ത്​ നോമ്പുതുറ പള്ളിയിലാണ് നടക്കാറ്​​.​ പ്രധാന വിഭവങ്ങൾ കഞ്ഞിയും വടയുമാണ്​. കുട്ടിക്കാലത്ത്​, അസർ നമസ്​കാരത്തിനു ശേഷം പള്ളിയിൽനിന്ന്​ ലഭിക്കുന്ന കഞ്ഞി വീട്ടിലേക്ക്​ കൊണ്ടുപോകും. വീട്ടുകാർക്കും ബന്ധുക്കൾക്കും നൽകും. വീണ്ടും പള്ളിയിലേക്ക്​ തിരിച്ചുപോയി നോമ്പു തുറയും തറാവീഹ്​ നമസ്​കാരവും കഴിഞ്ഞ്​ മടങ്ങും. അത്താഴത്തിന്​ ചോറ്, നോൺവെജ് ഭക്ഷണങ്ങൾ​, റൊട്ടി എന്നിവയാണ് ക​ഴിക്കുക​​.

നോമ്പുതുറക്ക്​ വീട്ടിൽ ചിക്കൻ-മട്ടൻ വിഭവങ്ങൾ തയാറാക്കും. തിരുവനന്തപുരത്ത്​ െഎ.ടി ഡയറക്​ടറായ സമയത്ത്​ പാളയം മസ്​ജിദിൽനിന്ന്​ നോമ്പുതുറന്ന ശേഷം മലബാർ വിഭവങ്ങൾ ലഭിക്കുന്ന ഹോട്ടലുകളിൽ ​പോയി ഭക്ഷണം പാർസൽ വാങ്ങി വീട്ടിൽ പോകും. മസൂറിയിൽ സിവിൽ സർവിസ്​ അക്കാദമിയിൽ പരിശീലനത്തി​​​െൻറ ഭാഗമായി നോമ്പുകാലത്ത്​ സിംഗപ്പൂരിൽ പോയിരുന്നു. ആദ്യമായാണ്​ വിദേശത്ത്​ നോമ്പുതുറക്കുന്നത്​. രണ്ടുദിവസം അവിടെയായിരുന്നു. 

മസൂറിയിൽ നോമ്പുതുറക്ക്​ 15ഒാളം പേർ കാണും. പ്രത്യേക വിഭവങ്ങൾ തയാറാക്കും. രാജ്യത്തി​​​െൻറ വിവിധ ഭാഗങ്ങളിൽനിന്ന്​ ഉള്ളവരായതുകൊണ്ട്​ ഒാരോ ദിവസവും ദേശങ്ങൾക്കനുസരിച്ച്​ വിഭവങ്ങൾ നൽകും. മസ്​ജിദ്​ ദൂരെ ആയതിനാൽ തറാവീഹ്​ നമസ്​കാരം റൂമിൽതന്നെയാണ്​. അക്കാദമിയിൽ നൽകുന്നതിൽ ഏറ്റവും ഇഷ്​ടം​ റൂഹ്​ അഫ്​സയാണ്​. കടല, പരിപ്പ്, ചിക്കൻ കീമ, റൊട്ടി, ​െബ്രഡ്​ എന്നിവ നോമ്പുതുറ സമയത്ത്​ ലഭിക്കും. മുമ്പ്​ നോമ്പുകാലത്ത്​ പാലക്കാട്​, ഇടുക്കി ജില്ലകളിൽ സബ്​ കലക്​ടറായിരുന്നു.

കൊച്ചിയിൽ നോമ്പുകാലത്ത് ആദ്യമായാണ്​​. നോൺവെജ്​ വിഭവങ്ങളാണ്​ ഏറ്റവും ഇഷ്​ടം. ഭാര്യ ഹൈദരാബാദുകാരിയായതിനാൽ ഹൈദരാബാദി ബിരിയാണി, കീമ സമൂസ, തുണ്ടെ കബാബി എന്നിവ തയാറാക്കും. തമിഴ്​നാട്ടിൽ മേയ്​, ജൂൺ, ജൂലൈ മാസങ്ങളിൽ കടുത്ത ചൂട്​ അനുഭവപ്പെടുന്നതിനാൽ കേരളത്തിൽ നോ​െമ്പടുക്കാൻ കുറച്ചുകൂടി സുഖകരമാണ്​. റമദാൻ സഹനത്തി​​​െൻറയും ത്യാഗത്തി​​​െൻറയും കാലമാണ്​.

സാധാരണ ജീവിതത്തിലും നാലു വർഷത്തെ ഒൗദ്യോഗിക ജീവിതത്തിലും ജോലിപ്രാപ്​തി വർധിക്കുന്ന കാലമാണ്. വർഷത്തിൽ ഒരു മാസം ശരീരത്തിന്​ പൂർണമായി ബ്രേക്ക്​ എടുത്ത്​ ശാരീരികമായും മാനസികമായും ശുദ്ധീകരിക്കാനുള്ള സമയം​​. ഒൗദ്യോഗികകാര്യങ്ങൾക്ക്​ കൂടുതൽ സമയം ഒാഫിസിൽ ചെലവഴിക്കാൻ കഴിയും. 10 മണിക്ക്​ ഒാഫിസിലെത്തേണ്ടതിന്​ ഒമ്പതുമണിക്ക്​ മുമ്പ്​ എത്തും. ഉച്ചഭക്ഷണം ഇല്ലാത്തതിനാൽ ആ സമയത്തും ജോലി ചെയ്യും.