കോഴിക്കോട്: കൊയിലാണ്ടിയിൽ സ്വകാര്യ ബസ് പണിമുടക്കിൽ വലഞ്ഞ് യാത്രക്കാർ. ബസ് കണ്ടക്ടറെ പൊലീസ് മർദ്ദിച്ചെന്നാരോപിച്ചാണ് പണിമുടക്ക്. കൊയിലാണ്ടി – കോഴിക്കോട് റൂട്ടിലടക്കം സർവിസ് നിർത്തി.
തിരുവങ്ങൂരിൽ വിദ്യാർഥികളെ ബസിൽ കയറ്റുന്നതുമായി ബന്ധപ്പെട്ട് തർക്കം ഉണ്ടായിരുന്നു. തുടർന്ന് പൊലീസ് കണ്ടക്ടറെ മർദിച്ചെന്നാരോപിച്ചാണ് പണിമുടക്ക്. അതേസമയം, ബസ് ജീവനക്കാർ മോശമായി പെരുമാറിയെന്ന് വിദ്യാർഥികൾ പരാതിപ്പെടുന്നു.
അതിരാവിലെ ജോലിക്കും മറ്റുമായി വിവിധ സ്ഥലങ്ങളിലേക്ക് പോകാനിറങ്ങിയ യാത്രക്കാരടക്കം പണിമുടക്ക് കാരണം വലഞ്ഞു. അപ്രതീക്ഷിതമായി പ്രഖ്യാപിച്ച സമരത്തിൽ കെ.എസ്.ആർ.ടി.സി ബസുകളെയും ടാക്സി സർവിസുകളെയും ആശ്രയിച്ചാണ് യാത്രക്കാരിപ്പോൾ സഞ്ചരിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.