കൊച്ചി: ശബരിമല ദർശനത്തിനായി കൊച്ചിയിൽ എത്തിയ ഭൂമാതാ ബ്രിഗേഡ് നേതാവ് തൃപ്തി ദേശായിക്കും സംഘത്തിനും സംരക്ഷണ ം ഒരുക്കാനാവില്ലെന്ന് പൊലീസ്. ശബരിമല ദർശനം നടത്താതെ മടങ്ങിപ്പോകണമെന്നും പൊലീസ് തൃപ്തിയോട് നിർദേശിച്ചു. കൊ ച്ചി ഡി.സി.പിയാണ് സംരക്ഷണം ഒരുക്കാനാവില്ലെന്ന് അറിയിച്ചത്. അതേസമയം തൃപ്തി ദേശായിക്കും സംഘത്തിനും എയർപോർട്ടിൽ പോകാനുള്ള സുരക്ഷ പൊലീസ് നൽകും
തൃപ്തി ദേശായിക്കും സംഘത്തിനും സംരക്ഷണം നൽകില്ലെന്ന് പൊലീസില് നിന്നും ലഭിച്ച ഉറപ്പിന്റെ അടിസ്ഥാനത്തില് കമ്മീഷണര് ഓഫീസിന് മുന്നിൽ ശബരിമല കര്മ്മസമിതി നടത്തിവന്ന പ്രതിഷേധം അവസാനിപ്പിച്ചു.
അതേസമയം, പൊലീസ് ദർശനത്തിന് അനുവദിക്കുന്നില്ലെന്നും സംരക്ഷണമില്ലാതെ തന്നെ ശബരിമലയിലെത്തുമെന്നും തൃപ്തി അറിയിച്ചു. ദർശനത്തിന് അനുവദിക്കണമെങ്കിൽ കോടതി വിധി കാണിക്കണമെന്നാണ് പൊലീസിന്റെ ആവശ്യം.
തൃപ്തി ദേശായിയുടെയും സംഘത്തിെൻറയും വരവിൽ പ്രതിഷേധം കനക്കുന്ന സാഹചര്യം പൊലീസ് ഇവരെ അറിയിച്ചിട്ടുണ്ട്. ജീവന് പോലും ഭീഷണിയായേക്കാവുന്ന സാഹചര്യമാണ് നിലവിലുള്ളതെന്നും പൊലീസ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.