മലപ്പുറം: മുണ്ടുപറമ്പ് കാവുങ്ങല് ബൈപ്പാസ് റോഡില് മിനി ലോറിയിടിച്ച് ബൈക്ക് യാത്രികന് മരിച്ചു. റിട്ടയേര്ഡ് പോലീസ് ഉദ്യോഗസ്ഥന് പരേതനായ പുത്തൂര്പാടന് അബ്ദുല് റഷീദിന്റെ മകനും വിദ്യാഭ്യാസ വകുപ്പ് ജീവനക്കാരനുമായ ഷനോജ് (45) ആണ് മരിച്ചത്.
ബുധനാഴ്ച രാത്രി 7.30 മണിയോടെയാണ് അപകടം. ബൈക്ക് യൂ ടേണ് എടുക്കുമ്പോള് പിറകില് നിന്നും വന്ന വാഹനം ഇടിക്കുകയായിരുന്നുവെന്നാണ് വിവരം. ഇരുമ്പുഴി സ്വദേശിയായ ഷനോജ് മുണ്ടുപറമ്പ് വാടക വീട്ടില് താമസിച്ചുവരികയായിരുന്നു. മലപ്പുറം ജില്ല വിദ്യാഭ്യാസ ഓഫീസിലാണ് ഷനോജ് നിലവിൽ ജോലി ചെയ്യുന്നത്. ഭാര്യ: അനീസ. മക്കള്: അമന് മുഹമ്മദ്, അമില് മുഹമ്മദ്, ഐദിന് മുഹമ്മദ്. മാതാവ്: ആസിയ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.