അച്ചു ഉമ്മനെതിരായ സൈബർ ആക്രമണം: നന്ദകുമാർ ചോദ്യം ചെയ്യലിനെത്തിയത് ഹെൽമറ്റ് ധരിച്ച്

തിരുവനന്തപുരം: ഉമ്മൻ ചാണ്ടിയുടെ മകൾ അച്ചു ഉമ്മനെതിരായ സൈബർ ആക്രമണ പരാതിയിൽ കെ. നന്ദകുമാറിനെ ചോദ്യം ചെയ്ത് വിട്ടയച്ചു. നാലു മണിക്കൂറാണ് നന്ദകുമാറിനെ ചോദ്യം ചെയ്തത്.

തലയും മുഖവും മുഴുവനായി മറക്കുന്ന ഹെൽമെറ്റ് ധരിച്ചാണ് നന്ദകുമാർ സ്റ്റേഷനിലെത്തിയത്. ഇയാളുടെ ഫോൺ കസ്റ്റഡിയിലെടുത്തിട്ടുണ്ട്.

ആവശ്യമെങ്കിൽ വീണ്ടും വിളിച്ചുവരുത്തുമെന്നും എപ്പോൾ വിളിച്ചാലും ഹാജരാകണമെന്നും പൊലീസ് നിർദേശം നൽകിയിട്ടുണ്ട്. അ​ച്ചു ഉ​മ്മ​ന്‍റെ മൊ​ഴി പൊ​ലീ​സ്​ നേരത്തെ രേഖപ്പെടുത്തിയിരുന്നു.

ഐ.എച്ച്.ആർ.ഡി ഉദ്യോഗസ്ഥനായ ന​ന്ദ​കു​മാ​ര്‍ ഇ​ട​ത് സം​ഘ​ട​നാ പ്ര​വ​ര്‍ത്ത​ക​നും സെ​ക്ര​ട്ടേ​റി​യ​റ്റി​ലെ മു​ന്‍ അ​ഡീ​ഷ​ന​ല്‍ സെ​ക്ര​ട്ട​റി​യു​മാണ്. സർക്കാർ സർവീസിൽ താൽകാലിക നിയമനമാണെങ്കിലും സർവീസ് ചട്ടങ്ങൾ ന​ന്ദ​കു​മാ​റിനും ബാധകമാണ്.