പത്തനാപുരം: പൊതുജനങ്ങൾക്ക് ബുദ്ധിമുട്ടുണ്ടാക്കുന്ന രീതിയിൽ മിന്നൽ പണിമുടക്ക് നടത്തുന്ന സ്വകാര്യ ബസ് ജീവനക്കാർക്ക് ഗതാഗത മന്ത്രി കെ.ബി. ഗണേഷ്കുമാറിന്റെ മുന്നറിയിപ്പ്. സമരമാകാം പക്ഷേ, മിന്നൽ പണിമുടക്ക് അരുതെന്ന് മന്ത്രി ഓർമിപ്പിച്ചു. എറണാകുളത്ത് മിന്നൽ പണിമുടക്ക് നടത്തിയ സ്വകാര്യ ബസുകളുടെ പെർമിറ്റ് റദ്ദാക്കിയിട്ടുണ്ട്.
പകരം ആ റൂട്ടുകളിൽ കെ.എസ്.ആർ.ടി.സി സർവിസ് നടത്തും. കൊട്ടാരക്കര, പിറവം ഡിപ്പോകളിൽ മുന്നറിയിപ്പില്ലാതെ സർവിസ് റദ്ദ് ചെയ്ത ഉദ്യോഗസ്ഥർക്കെതിരെ കർശന നടപടി സ്വീകരിക്കും. ഉദ്യോഗസ്ഥർ ഇങ്ങോട്ട് പണി തന്നാൽ തിരിച്ചും കിട്ടും. കെ.എസ്.ആർ.ടി.സി ജീവനക്കാർക്ക് ഫയർ ആൻഡ് റെസ്ക്യൂ പരിശീലനം നൽകുമെന്നും മന്ത്രി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.