Posted On
date_range Updated On
date_range മദ്യക്കുപ്പി കൊണ്ട് കുത്തിപ്പരിക്കേൽപ്പിച്ച സംഭവത്തിൽ ഒരാൾ പിടിയിൽ
തിരുവല്ല: കവിയൂർ നാഴിപ്പാറയിൽ മദ്യപാനത്തിനിടെയുണ്ടായ തർക്കത്തിനിടെ യുവാവിനെ കുത്തി പരിക്കേൽപ്പിച്ച സംഭവത്തിൽ 47കാരൻ അറസ്റ്റിലായി. കവിയൂർ നാഴിപ്പാറ വീട്ടിൽ അനീഷിനെ കുത്തി പരിക്കേൽപ്പിച്ച കേസിൽ അയൽവാസിയായ ആനപ്പാറയിൽ രാജ്മോഹൻ (47) എന്നയാളെയാണ് തിരുവല്ല പൊലീസ് അറസ്റ്റ് ചെയ്തത്.
ബുധനാഴ്ച വൈകിട്ടോടെ നാഴിപ്പാറ ജങ്ഷന് സമീപം ആയിരുന്നു സംഭവം. സംഘം ചേർന്ന് മദ്യപിച്ച് ചൂതു കളിക്കുന്നതിനിടെ ഉണ്ടായ തർക്കത്തിനിടെ പൊട്ടിച്ച മദ്യക്കുപ്പി ഉപയോഗിച്ച് അനീഷിനെ രാജ്മോഹൻ കുത്തുകയായിരുന്നു.
സംഭവ ശേഷം സ്ഥലത്തുനിന്നും രക്ഷപ്പെട്ട പ്രതിയെ വീടിന് സമീപത്തു നിന്നും അറസ്റ്റ് ചെയ്യുകയായിരുന്നു. കഴുത്തിന് താഴെയും വലതു കൈയ്ക്കും കുത്തേറ്റ അനീഷ് തിരുവല്ല താലൂക്ക് ആശുപത്രിയിൽ ചികിത്സയിലാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.