ക​മ്യൂ​ണി​സ്​​റ്റ്​ പ​ച്ച ഉ​ണ​ക്കി കഞ്ചാവാണെന്ന്​ പറഞ്ഞുവിറ്റു; യുവാവിന്​ മർദനം, ഒരാൾ അറസ്​റ്റിൽ

പൊ​ന്നാ​നി: നാ​ല് ല​ക്ഷം രൂ​പ മോ​ച​ന​ദ്ര​വ്യ​മാ​വ​ശ്യ​പ്പെ​ട്ട്​ യു​വാ​വി​നെ ത​ട്ടി​ക്കൊ​ണ്ട് പോ​യി മ​ർ​ദി​ച്ച സം​ഭ​വ​ത്തി​ൽ ഒ​ന്നാം പ്ര​തി പി​ടി​യി​ല്‍. എ​ട​പ്പാ​ൾ അ​യി​ല​ക്കാ​ട് സ്വ​ദേ​ശി ന​രി​യ​ൻ വ​ള​പ്പി​ൽ കി​ര​ൺ (19) ആ​ണ് അ​റ​സ്​​റ്റി​ലാ​യ​ത്.

മേ​യ് ഒ​മ്പ​തി​നാ​ണ്​ പൊ​ന്നാ​നി സ്വ​ദേ​ശി​യാ​യ അ​മ​ൽ ബ​ഷീ​റി​നെ ത​ട്ടി​ക്കൊ​ണ്ടു​പോ​യി മ​ർ​ദി​ച്ച്​ സം​ഘം മോ​ച​ന​ദ്ര​വ്യ​മാ​വ​ശ്യ​പ്പെ​ട്ട​ത്. കി​ര​ണും സം​ഘ​വും ക​ഞ്ചാ​വ് വാ​ങ്ങാ​ൻ അ​മ​ൽ ബ​ഷീ​റി​ന് 45,000 രൂ​പ ന​ൽ​കി​യി​രു​ന്നു.  എ​ന്നാ​ൽ, ഇ​യാ​ൾ ക​ഞ്ചാ​വി​ന് പ​ക​രം ക​മ്യൂ​ണി​സ്​​റ്റ്​ പ​ച്ച ഉ​ണ​ക്കി ന​ൽ​കു​ക​യാ​യി​രു​ന്നു. 

പ്ര​തി​കാ​ര​മെ​ന്നോ​ണം സു​ഹൃ​ത്ത് കൂ​ടി​യാ​യ കി​ര​ൺ ഇ​യാ​ളെ വീ​ട്ടി​ൽ നി​ന്ന് വി​ളി​ച്ചി​റ​ക്കി അ​യി​ല​ക്കാ​ട്ടെ സു​ഹൃ​ത്തി​​െൻറ വീ​ട്ടി​ലേ​ക്കെ​ന്ന് പ​റ​ഞ്ഞ് കൊ​ണ്ടു​പോ​വു​ക​യും, അ​യി​ല​ക്കാ​ട് ചി​റ​ക്ക​ലി​ൽ കാ​റി​ലെ​ത്തി​യ സം​ഘം അ​മ​ൽ ബ​ഷീ​റി​നെ തോ​ക്ക് ചൂ​ണ്ടി ഭീ​ഷ​ണി​പ്പെ​ടു​ത്തി ത​ട്ടി​ക്കൊ​ണ്ടു​പോ​വു​ക​യു​മാ​യി​രു​ന്നു. തു​ട​ർ​ന്ന് ഒ​രു കി​ലോ​മീ​റ്റ​ർ ദൂ​രെ​യു​ള്ള കാ​ഞ്ഞി​ര​ത്താ​ണി വ​ട്ട​ക്കു​ന്നി​ൽ ആ​ളൊ​ഴി​ഞ്ഞ പ്ര​ദേ​ശ​ത്തെ​ത്തി മ​ർ​ദി​ക്കു​ക​യും ക​ത്തി കൊ​ണ്ട് ദേ​ഹ​മാ​സ​ക​ലം മു​റി​വേ​ൽ​പ്പി​ക്കു​ക​യും പ​ഴ്സി​ലു​ണ്ടാ​യി​രു​ന്ന 6000 രൂ​പ കൈ​ക്ക​ലാ​ക്കു​ക​യും ചെ​യ്തു.

തു​ട​ർ​ന്ന് വീ​ട്ടി​ൽ വി​ളി​ച്ച് മോ​ച​ന​ദ്ര​വ്യ​മാ​യി നാ​ല്​ ല​ക്ഷം രൂ​പ ആ​വ​ശ്യ​പ്പെ​ട്ടു. പൊ​ന്നാ​നി സി.​ഐ മ​ഞ്ജി​ത് ലാ​ലി​​െൻറ നേ​തൃ​ത്വ​ത്തി​ലു​ള്ള സം​ഘ​മാ​ണ്​ അ​റ​സ്​​റ്റ്​ ചെ​യ്ത​ത്.