കച്ചവടം പൊടി പിടിക്കുന്നു

പ​ന​മ​രം: കോ​വി​ഡും നോ​ട്ടു നി​രോ​ധ​ന​വും ജി​ല്ല​യി​ലെ വ്യാ​പാ​ര സ്ഥാ​പ​ന​ങ്ങ​ളി​ലു​ണ്ടാ​ക്കി​യ പ്ര​തി​സ​ന്ധി കൂ​ടു​ത​ൽ രൂ​ക്ഷ​മാ​കു​ന്നു. ഓ​ൺ​ലൈ​ൻ വ്യാ​പാ​ര മേ​ഖ​ല​യു​ടെ ക​ട​ന്നു​ക​യ​റ്റ​വും കാ​ർ​ഷി​ക പ്ര​തി​സ​ന്ധി​യു​മെ​ല്ലാം വ്യാ​പാ​രി​ക​ളെ വ​ലി​യ ബു​ദ്ധി​മു​ട്ടി​ലേ​ക്കാ​ണ് ന​യി​ക്കു​ന്ന​ത്.

ഏ​താ​നും വ​ർ​ഷ​ത്തി​നു​ള്ളി​ൽ ജി​ല്ല​യി​ലെ ചെ​റു​തും വ​ലു​തു​മാ​യ നി​ര​വ​ധി വ്യാ​പാ​ര സ്ഥാ​പ​ന​ങ്ങ​ളാ​ണ് പൂ​ട്ടി​പ്പോ​യ​ത്. ക​ച്ച​വ​ടം കു​റ​ഞ്ഞ​തോ​ടെ വാ​ട​ക​യും തൊ​ഴി​ലാ​ളി​ക​ളു​ടെ കൂ​ലി​യും വ​ലി​യ ബാ​ധ്യ​ത​യാ​ണ് വ്യാ​പാ​രി​ക​ളി​ലു​ണ്ടാ​ക്കു​ന്ന​ത്. കൂ​ടാ​തെ വൈ​ദ്യു​തി ചാ​ർ​ജ് വ​ർ​ധ​ന ഉ​ൾ​പ്പെ​ടെ ഓ​രോ വ​ർ​ഷ​വും അ​ധി​ക പ​ണം ക​ണ്ടെ​ത്തേ​ണ്ട സാ​ഹ​ച​ര്യ​വു​മാ​ണ് ഉ​ള്ള​ത്.

ക​ട​മു​റി​ക​ൾ കാ​ലി

കോ​വി​ഡി​നു ശേ​ഷ​മാ​ണ് വ്യാ​പാ​ര മേ​ഖ​ല അ​തി​രൂ​ക്ഷ​മാ​യ പ്ര​തി​സ​ന്ധി അ​ഭി​മു​ഖീ​ക​രി​ക്കു​ന്ന​ത്. ജി​ല്ല​യി​ൽ നൂ​റു​ക​ണ​ക്കി​നു വ്യാ​പാ​ര സ്ഥാ​പ​ന​ങ്ങ​ൾ​ക്കാ​ണ് അ​ടു​ത്ത കാ​ല​ത്ത് പൂ​ട്ടു​വീ​ണ​ത്. ടൗ​ൺ, ഗ്രാ​മ വ്യ​ത്യാ​സ​മി​ല്ലാ​തെ ഉ​പ​യോ​ഗി​ക്കു​ന്ന ക​ട​മു​റി​ക​ളു​ടെ എ​ണ്ണം കു​റ​ഞ്ഞു. കെ​ട്ടി​ട ഉ​ട​മ​ക​ൾ മു​ൻ​കൂ​ർ വാ​ട​ക​യും മ​റ്റും കു​റ​ക്കാ​ൻ ത​യാ​റാ​യെ​ങ്കി​ലും ക​ട​മു​റി​ക​ൾ​ക്ക് ആ​ളെ കി​ട്ടാ​നി​ല്ലാ​ത്ത അ​വ​സ്ഥ​യാ​ണി​പ്പോ​ൾ.

ടൗ​ണു​ക​ളി​ൽ വാ​ഹ​ന പാ​ർ​ക്കി​ങ് ക​ർ​ശ​ന​മാ​ക്കി​യ​തോ​ടെ വ്യാ​പാ​ര രീ​തി​യും മാ​റി. ഗ്രാ​മീ​ണ മേ​ഖ​ല​യി​ലെ ഹൈ​വേ വ​ഴി​യോ​ര​ങ്ങ​ളി​ൽ പു​തു​താ​യി കെ​ട്ടി​ട​ങ്ങ​ൾ ഉ​യ​ർ​ന്നു. അ​വി​ട​ങ്ങ​ളി​ൽ ചി​ല്ല​റ മൊ​ത്ത വ്യാ​പാ​ര സ്ഥാ​പ​ന​ങ്ങ​ൾ വ​ന്നു. ഇ​തോ​ടെ ടൗ​ണു​ക​ളി​ൽ വ​ലി​യ വാ​ട​ക​ക്ക് ഉ​പ​യോ​ഗി​ച്ചി​രു​ന്ന ഗോ​ഡൗ​ൺ ഉ​ൾ​പ്പെ​ടെ കു​റ​ഞ്ഞ വാ​ട​ക​ക്ക് ഹൈ​വേ​ക​ളി​ലേ​ക്ക് മാ​റി.

കോ​വി​ഡ് കാ​ല​ത്ത് ഗ​ൾ​ഫി​ൽ​നി​ന്ന് ജോ​ലി ന​ഷ്ട​പ്പെ​ട്ട് തി​രി​ച്ചു​വ​ന്ന​വ​ർ ജീ​വി​തം ക​ര​ക്ക​ടു​പ്പി​ക്കാ​ൻ ഹൈ​വേ​ക​ൾ​ക്ക​രി​കി​ലും മ​റ്റും ചേ​ക്കേ​റി. എ​ന്നാ​ൽ, പ​ച്ച​പി​ടി​ക്കാ​തെ പ​ല​തും പൂ​ട്ടേ​ണ്ടി​വ​ന്നു.

താ​ങ്ങാ​നാ​വാ​ത്ത ചെ​ല​വ്

വ്യാ​പാ​രം കു​റ​ഞ്ഞ​തി​നു പു​റ​മെ ചെ​ല​വി​ലെ അ​മി​ത വ​ർ​ധ​ന​യും വ്യാ​പാ​രി​ക​ളെ പ്ര​തി​സ​ന്ധി​യി​ലാ​ക്കു​ന്നു. ക​റ​ന്റി​നും വെ​ള്ള​ത്തി​നും ഗ്യാ​സി​നു​മെ​ല്ലാം വി​ല​കൂ​ട്ടി​യ​പ്പോ​ൾ പ​ണം എ​വി​ടെ​നി​ന്നു ക​ണ്ടെ​ത്തു​മെ​ന്ന​റി​യാ​ത്ത അ​വ​സ്ഥ. ദി​നേ​ന അ​ഞ്ഞൂ​റും അ​റു​നൂ​റും വാ​ട​ക കൊ​ടു​ത്തു ക​ച്ച​വ​ടം ചെ​യ്യു​ന്ന​വ​ർ ചെ​ല​വ് ചു​രു​ക്കാ​ൻ ജീ​വ​ന​ക്കാ​രെ കു​റ​ച്ചും മ​റ്റു ചെ​ല​വു​ക​ൾ കു​റ​ച്ചും പി​ടി​ച്ചു​നി​ൽ​ക്കാ​ൻ ശ്ര​മി​ച്ചെ​ങ്കി​ലും വി​ജ​യി​ച്ചി​ല്ല.

ഗ്രാ​മീ​ണ മേ​ഖ​ല​ക​ളി​ൽ സൂ​പ്പ​ർ മാ​ർ​ക്ക​റ്റു​ക​ൾ ഉ​ൾ​പ്പെ​ടെ ഉ​യ​ർ​ന്ന​തോ​ടെ വ​ൻ തു​ക അ​ഡ്വാ​ൻ​സും വാ​ട​ക​യും ന​ൽ​കി ന​ഗ​ര​ങ്ങ​ളി​ൽ ഉ​പ​ഭോ​ക്താ​ക്ക​ളെ വേ​ണ്ട​ത്ര ല​ഭി​ക്കാ​താ​യ​തോ​ടെ അ​ട​ച്ചു​പൂ​ട്ട​ലി​ലേ​ക്ക് എ​ത്തി.

ത​ക​രു​ന്ന കാ​ർ​ഷി​ക മേ​ഖ​ല

വ​യ​നാ​ട്ടി​ലെ വ​ലി​യ ശ​ത​മാ​ന​വും കാ​ർ​ഷി​ക മേ​ഖ​ല​യെ ആ​ശ്ര​യി​ച്ചു ക​ഴി​യു​ന്ന​വ​രാ​ണ്. കാ​ർ​ഷി​ക വി​ള​ക​ൾ​ക്ക് മെ​ച്ച​പ്പെ​ട്ട വി​ല ല​ഭി​ക്കാ​താ​യ​തോ​ടെ ക​ർ​ഷ​ക​ർ വ്യാ​പാ​ര സ്ഥാ​പ​ന​ങ്ങ​ളി​ൽ എ​ത്തു​ന്ന​ത് കു​റ​ഞ്ഞു. കു​രു​മു​ള​കു പോ​ലു​ള്ള​വ​യു​ടെ വി​ള​നാ​ശ​വും ക​ർ​ഷ​ക​രെ കാ​ര്യ​മാ​യി ബാ​ധി​ച്ചു. കാ​ർ​ഷി​ക ഉ​ൽ​പ​ന്ന​ങ്ങ​ൾ​ക്ക് മെ​ച്ച​പ്പെ​ട്ട വി​ള​വും വി​ല​യും ല​ഭി​ച്ചാ​ലേ വ​യ​നാ​ടി​ന്റെ വ്യാ​പാ​ര മേ​ഖ​ല സ​ജീ​വ​മാ​കൂ.

ഓ​ൺ​ലൈ​ൻ വ്യാ​പാ​ര​ത്തി​ന്റെ ക​ട​ന്നു​ക​യ​റ്റം

അ​ടു​ത്ത കാ​ല​ത്താ​യി ഉ​പ​ഭോ​ക്താ​ക്ക​ൾ ഓ​ൺ​ലൈ​ൻ വ്യാ​പാ​ര​ത്തെ ആ​ശ്ര​യി​ക്കു​ന്ന പ്ര​വ​ണ​ത വ​ർ​ധി​ച്ചി​ട്ടു​ണ്ട്. കോ​വി​ഡ് കാ​ല​ത്ത് തു​ട​ക്ക​മി​ട്ട ട്രെ​ൻ​ഡാ​ണ് ഇ​പ്പോ​ഴും തു​ട​രു​ന്ന​ത്. കൂ​ണു​പോ​ലെ ഉ​യ​ർ​ന്നു​വ​രു​ന്ന ഓ​ൺ​ലൈ​ൻ വ്യാ​പാ​ര സ്ഥാ​പ​ന​ങ്ങ​ൾ ആ​ളു​ക​ളെ ആ​ക​ർ​ഷി​ക്കാ​ൻ പു​ത്ത​ൻ ഓ​ഫ​റു​ക​ൾ വെ​ക്കു​ന്ന​തും വീ​ടു​ക​ളി​ൽ സാ​ധ​ന​ങ്ങ​ൾ എ​ത്തു​ന്ന​തും കാ​ര​ണ​മാ​കു​ന്നു.

അ​തേ​സ​മ​യം, അ​വ​ശ്യ​സാ​ധ​ന​ങ്ങ​ൾ ഓ​ൺ​ലൈ​നി​ൽ വാ​ങ്ങു​ന്ന​വ​ർ നാ​ട്ടി​ൻ​പു​റ​ത്തെ വ്യാ​പാ​ര സ്ഥാ​പ​ന​ങ്ങ​ളി​ൽ പി​രി​വി​നും മ​റ്റും മാ​ത്ര​മാ​ണ് എ​ത്തു​ന്ന​തെ​ന്നാ​ണ് വ്യാ​പാ​രി​ക​ൾ പ​റ​യു​ന്ന​ത്. നേ​രി​ട്ടു​ള്ള വി​ദേ​ശ നി​ക്ഷേ​പ​ത്തി​ലൂ​ടെ കു​ത്ത​ക​ക​ള്‍ക്ക് 100 ശ​ത​മാ​നം വി​പ​ണി തു​റ​ന്നു​കൊ​ടു​ത്ത​തോ​ടെ ഓ​ണ്‍ലൈ​ന്‍ വ്യാ​പാ​രം ശ​ക്ത​മാ​കു​ക​യും അ​ത് ല​ക്ഷ​ക്ക​ണ​ക്കി​ന് വ്യാ​പാ​രി​ക​ളെ​യും കു​ടും​ബാം​ഗ​ങ്ങ​ളെ​യും പ്ര​തി​സ​ന്ധി​യി​ലാ​ക്കു​ക​യും ചെ​യ്തു​വെ​ന്നാ​ണ് വ്യാ​പാ​ര സം​ഘ​ട​ന നേ​താ​ക്ക​ൾ പ​റ​യു​ന്ന​ത്.

ക​ട​ക്കെ​ണി​യി​ൽ

വ്യാ​പാ​ര സ്ഥാ​പ​ന​ങ്ങ​ൾ​ക്ക് തു​ട​ര്‍ച്ച​യാ​യി ലാ​ഭ​മി​ല്ലാ​ത്ത സ്ഥി​തി വ​ന്ന​തോ​ടെ നി​ത്യ​ച്ചെ​ല​വു​ക​ള്‍ക്കു​ള്ള പ​ണം മൂ​ല​ധ​ന​ത്തി​ല്‍നി​ന്ന് എ​ടു​ത്തു​പ​യോ​ഗി​ക്കേ​ണ്ട അ​വ​സ്ഥ വ​ന്നു. ഇ​തോ​ടെ ബാ​ങ്കു​ക​ളി​ൽ​നി​ന്നും മ​റ്റു​മെ​ടു​ത്ത വാ​യ്പ​ക​ളു​ടെ തി​രി​ച്ച​ട​വു​ക​ള്‍ മു​ട​ങ്ങു​ന്നു. ഈ​ടി​ല്ലാ​ത്ത വാ​യ്പ​ക​ള്‍ ന​ല്‍കു​ന്ന​തി​ന് നി​യ​ന്ത്ര​ണം വ​ന്ന​തോ​ടെ പ​ര​സ്പ​ര ജാ​മ്യ​ത്തി​ല്‍ വ്യാ​പാ​രി​ക​ള്‍ക്ക് ല​ഭി​ച്ചി​രു​ന്ന ചെ​റു വാ​യ്പ​ക​ളും ല​ഭി​ക്കാ​താ​യി.