വീട്ടിലേക്കുള്ള മൺറോഡ് ചളിക്കുളമായി; ഭിന്നശേഷിക്കാരായ വയോദമ്പതികൾക്ക് ‘തടങ്കൽ ജീവിതം’

മേ​പ്പാ​ടി: മെ​യി​ൻ റോ​ഡി​ൽ നി​ന്ന് ക​ഷ്ടി​ച്ച് 100 മീ​റ്റ​ർ വ​രു​ന്ന മ​ൺ റോ​ഡ് ത​ക​ർ​ന്ന​തി​നാ​ൽ പു​റ​ത്തു പോ​വാ​ൻ ക​ഴി​യാ​തെ സ്വ​യം വീ​ട്ടു​ത​ട​ങ്ക​ലി​ലാ​യി​രി​ക്കു​ക​യാ​ണ് ഭി​ന്ന​ശേ​ഷി​ക്കാ​രും വ​യോ​ജ​ന​ങ്ങ​ളു​മാ​യ ദ​മ്പ​തി​ക​ൾ. കാ​ര​ക്കാ​ട​ൻ ഹു​സൈ​നും ഭാ​ര്യ സൗ​ജ​ത്തു​മാ​ണ് ദു​രി​തം തി​ന്നു​ന്ന​ത്. അ​ര​ക്ക് താ​ഴേ​ക്ക് ച​ല​ന​ശേ​ഷി​യി​ല്ലാ​ത്ത​യാ​ളാ​ണ് ഹു​സൈ​ൻ. ഭാ​ര്യ​ക്ക് ഇ​ട​ത് കാ​ലി​ന് സ്വാ​ധീ​ന​മി​ല്ല. പ​ര​സ​ഹാ​യ​മി​ല്ലാ​തെ വീ​ടി​ന് പു​റ​ത്തു​പോ​കാ​ൻ ഹു​സൈ​ന് ക​ഴി​യി​ല്ല. ചൂ​ര​ൽ​മ​ല പു​ഴ പു​റ​മ്പോ​ക്കി​ലെ കു​ടി​ലി​ൽ താ​മ​സി​ച്ച് റേ​ഡി​യോ, ഗ്യാ​സ് സ്റ്റൗ, ​പെ​ട്രോ​മാ​ക്സ് മു​ത​ലാ​യ ഉ​പ​ക​ര​ണ​ങ്ങ​ളു​ടെ അ​റ്റ​കു​റ്റ​പ​ണി ന​ട​ത്തി​യാ​ണ് ഇ​വ​ർ ജീ​വി​ച്ചി​രു​ന്ന​ത്.

2019ലെ ​പ്ര​ള​യ​ത്തി​ൽ വീ​ട് വാ​സ​യോ​ഗ്യ​മ​ല്ലാ​താ​യി. ര​ണ്ട് വ​ർ​ഷ​ത്തോ​ളം അ​ര​പ്പ​റ്റ​യി​ൽ വാ​ട​ക​ക്ക് താ​മ​സി​ച്ചു. മു​മ്പ് ചെ​യ്തി​രു​ന്ന ജോ​ലി​ക​ൾ ഇ​ല്ലാ​താ​യി. ഇ​തി​നി​ട​യി​ൽ പൊ​ളി​ഞ്ഞു​വീ​ഴാ​റാ​യ പ​ഴ​യ വീ​ട്ടി​നു​ള്ളി​ൽ ഉ​ണ്ടാ​യി​രു​ന്ന സാ​ധ​ന​ങ്ങ​ളെ​ല്ലാം മോ​ഷ​ണം പോ​യി. ഹു​സൈ​ന്റെ മു​ച്ച​ക്ര വാ​ഹ​ന​ത്തി​ന്റെ ഭാ​ഗ​ങ്ങ​ള​ട​ക്കം ക​ണ്ണി​ൽ​ചോ​ര​യി​ല്ലാ​ത്ത​വ​ർ കൊ​ണ്ടു​പോ​യി. ഓ​ട്ടോ ഡ്രൈ​വ​റാ​യി​രു​ന്ന മൂ​ത്ത മ​ക​ൻ വൃ​ക്കരോ​ഗി​യാ​വു​ക​യും ജോ​ലി ചെ​യ്യാ​ൻ ക​ഴി​യാ​തെ വ​രു​ക​യും ചെ​യ്തു. മേ​പ്പാ​ടി​യി​ലെ ഓ​ട്ടോ വ​ർ​ക്ക്ഷോ​പ്പി​ൽ ദി​വ​സ​വേ​ത​ന​ത്തി​ൽ ജോ​ലി​ക്കു പോ​കു​ന്ന ഇ​ള​യ മ​ക​ന്റെ തു​ച്ഛ വ​രു​മാ​നം മാ​ത്ര​മാ​ണി​പ്പോ​ഴു​ള്ള​ത്. ചെ​റി​യ ആ​ശ്വാ​സ​മാ​യി​രു​ന്ന സാ​മൂ​ഹ്യ​ക്ഷേ​മ പെ​ൻ​ഷ​ൻ അ​ഞ്ച് മാ​സ​മാ​യി ല​ഭി​ക്കു​ന്നി​ല്ല.

കാ​പ്പം​കൊ​ല്ലി​യി​ലെ യൂ​സ​ഫ് എ​ന്ന വ്യ​ക്തി മൂ​ന്ന് സെ​ന്റ് സ്ഥ​ലം സം​ഭാ​വ​ന ചെ​യ്യു​ക​യും ഗ്രാ​മ പ​ഞ്ചാ​യ​ത്ത് നാ​ല് ല​ക്ഷം രൂ​പ അ​നു​വ​ദി​ക്കു​ക​യും ചെ​യ്ത​തി​നാ​ൽ ക​പ്പം​കൊ​ല്ലി ക​ല്ലാ​യി​മ്മ​ലി​ൽ അ​ന്തി​യു​റ​ങ്ങാ​നൊ​രു വീ​ടു​ണ്ടാ​യി. സു​മ​ന​സ്സു​ക​ളാ​യ ചി​ല വ്യ​ക്തി​ക​ളും സ​ഹാ​യി​ച്ചു. പ്ര​ധാ​ന റോ​ഡി​ൽ​നി​ന്ന് ക​ഷ്ടി​ച്ച് 100 മീ​റ്റ​ർ ദൂ​ര​മേ വീ​ട്ടി​ലേ​ക്കു​ള്ളൂ. ഒ​രു സ്വ​കാ​ര്യ വ​ഴി​യാ​ണ് ഇ​വി​ടേ​ക്കു​ള്ള​ത്. അ​തി​ന്റെ പ​കു​തി ഭാ​ഗം പൂ​ർ​ണ​മാ​യും ത​ക​ർ​ന്നു കി​ട​ക്കു​ക​യാ​ണ്. ഹു​സൈ​ന്റേ​ത​ട​ക്കം ര​ണ്ടോ മൂ​ന്നോ വീ​ടു​ക​ൾ മാ​ത്ര​മാ​ണ് ഈ ​ഭാ​ഗ​ത്തു​ള്ള​ത്. റോ​ഡി​ല്ലാ​ത്ത​തി​നാ​ൽ ഓ​ട്ടോ വി​ളി​ച്ചാ​ൽ ഇ​വി​ടേ​ക്ക് വ​രി​ല്ല. പ്ര​ധാ​ന റോ​ഡി​ൽ വാ​ഹ​നം നി​ർ​ത്തി വീ​ട്ടി​ൽ​നി​ന്ന് 100 മീ​റ്റ​റോ​ളം ഹു​സൈ​നെ എ​ടു​ത്തു​കൊ​ണ്ടു​പോ​യി വാ​ഹ​ന​ത്തി​ൽ ക​യ​റ്റ​ണം. തി​രി​കെ വീ​ട്ടി​ലെ​ത്ത​ണ​മെ​ങ്കി​ലും ഇ​തേ അ​വ​സ്ഥ​യാ​ണ്.

ഇ​തി​നൊ​ന്നും ക​ഴി​യാ​ത്ത​തി​നാ​ൽ ഒ​രു വ​ർ​ഷ​ത്തോ​ള​മാ​യി ദ​മ്പ​തി​ക​ൾ പു​റ​ത്തു​പോ​കാ​തെ വീ​ട്ടി​ൽ​ത്ത​ന്നെ ത​ട​ങ്ക​ലി​ൽ​പെ​ട്ട​തു പോ​ലെ ക​ഴി​യു​ക​യാ​ണ്. ഓ​ട്ടോ​റി​ക്ഷ​യെ​ങ്കി​ലും പോ​കാ​ൻ ക​ഴി​യു​ന്ന ഒ​രു വ​ഴി​യാ​ണ് ഇ​വ​രു​ടെ ആ​ഗ്ര​ഹം. ഡോ​ക്ട​റെ കാ​ണാ​ൻ​പോ​ലും പു​റ​ത്തു​പോ​കാ​ൻ ക​ഴി​യു​ന്നി​ല്ല. ഈ ​പ്ര​ശ്നം ചൂ​ണ്ടി​ക്കാ​ട്ടി ഗ്രാ​മ​പ​ഞ്ചാ​യ​ത്തി​ലും ക​ല​ക്ട​ർ​ക്കു​മ​ട​ക്കം ഹു​സൈ​ൻ പ​രാ​തി ന​ൽ​കി​യെ​ങ്കി​ലും ആ​രും അ​ന്വേ​ഷി​ച്ചെ​ത്തി​യി​ട്ടി​ല്ല. സ​ർ​ക്കാ​ർ​ത​ല​ത്തി​ൽ ന​ട​പ​ടി​ക​ളോ അ​ല്ലെ​ങ്കി​ൽ ഏ​തെ​ങ്കി​ലും സു​മ​ന​സ്സുക​ളു​ടെ സ​ഹാ​യ​മോ ഉ​ണ്ടാ​കു​മെ​ന്ന പ്ര​തീ​ക്ഷ​യി​ലാ​ണീ കു​ടും​ബം.