ബോ​ച്ചെ ഹ​ട്ടി​ൽ തീ​പി​ടി​ത്തം; ഷെ​ഡ്ഡു​ക​ളും സാ​ധ​ന​ങ്ങ​ളും ക​ത്തി​ന​ശി​ച്ചു

മേ​പ്പാ​ടി: ചു​ളി​ക്ക ബോ​ച്ചെ തൗ​സ​ന്റ് ഏ​ക്ര​യി​ലെ ക​ള്ള്ഷാ​പ്പി​നോ​ട​നു​ബ​ന്ധി​ച്ചു​ള്ള റെ​സ്റ്റാ​റ​ന്റ്, ഹ​ബ്ബ്, എ​ന്നി​വ പ്ര​വ​ർ​ത്തി​ക്കു​ന്ന പു​ല്ലു​മേ​ഞ്ഞ ഷെ​ഡ്ഡു​ക​ൾ​ക്ക് തീ​പി​ടി​ച്ചു. അ​ഞ്ചു ഷെ​ഡു​ക​ളും ഫ​ർ​ണീ​ച്ച​റും സാ​ധ​ന​ങ്ങ​ളും പൂ​ർ​ണ​മാ​യും ക​ത്തി​ന​ശി​ച്ചു. 50 ല​ക്ഷം രൂ​പ​യു​ടെ ന​ഷ്ട​മു​ണ്ടാ​യ​താ​യി ന​ട​ത്തി​പ്പു​കാ​ർ പ​റ​യു​ന്നു. വെ​ള്ളി​യാ​ഴ്ച ഉ​ച്ച​ക​ഴി​ഞ്ഞ് ര​ണ്ടു മ​ണി​യോ​ടെ​യാ​യി​രു​ന്നു സം​ഭ​വം. ക​ൽ​പ​റ്റ​യി​ൽ​നി​ന്ന് അ​ഗ്നി​ര​ക്ഷാ സേ​ന സ്ഥ​ല​ത്തെ​ത്തി ഒ​ന്ന​ര മ​ണി​ക്കൂ​റോ​ളം പ​ണി​പ്പെ​ട്ടാ​ണ് തീ​യ​ണ​ച്ച​ത്. മേ​പ്പാ​ടി പൊ​ലീ​സും സ്ഥ​ല​ത്തെ​ത്തി​യി​രു​ന്നു.

അ​ടു​ക്ക​ള​യി​ൽ ഭ​ക്ഷ​ണം പാ​കം ചെ​യ്യു​ന്ന സ്ഥ​ല​ച്ചെ ഗ്യാ​സ് സ്റ്റൗ​വി​ൽ​നി​ന്നാ​ണ് തീ ​പ​ട​ർ​ന്ന​ത്. പു​ല്ലും ഓ​ല​യും മേ​ഞ്ഞ ഷെ​ഡ്ഡു​ക​ളി​ലേ​ക്ക് വേ​ഗം തീ ​പ​ട​രു​ക​യാ​യി​രു​ന്നു. ഗ്യാ​സ് സി​ലി​ണ്ട​റു​ക​ൾ പൊ​ട്ടി​ത്തെ​റി​ക്കു​ക​യും ചെ​യ്തു. തീ​പി​ടു​ത്ത​മു​ണ്ടാ​യ ഉ​ട​നെ 25ഓ​ളം വ​രു​ന്ന തൊ​ഴി​ലാ​ളി​ക​ളെ​യും ഭ​ക്ഷ​ണം ക​ഴി​ക്കാ​നെ​ത്തി​യ​വ​രെ​യു​മെ​ല്ലാം സ്ഥ​ല​ത്തു​നി​ന്ന് മാ​റ്റി​യ​തി​നാ​ൽ വ​ലി​യ ദു​ര​ന്ത​മൊ​ഴി​വാ​യി.

തൊ​ട്ട​ടു​ത്ത ക​ള്ള് ഷാ​പ്പ് കെ​ട്ടി​ട​ത്തി​ലേ​ക്കും പ​രി​സ​ര​ങ്ങ​ളി​ലേ​ക്കും തീ ​പ​ട​രു​ന്ന​ത് ത​ട​യാ​നാ​യി. ചു​ളി​ക്ക​തേ​യി​ല ഫാ​ക്ട​റി​ക്കും എ​സ്റ്റേ​റ്റ് ക്വാ​ർ​ട്ടേ​ഴ്സ്, പാ​ടി ലൈ​ൻ എ​ന്നി​വ​ക്ക് അ​ടു​ത്താ​ണ് ക​ള്ളു​ഷാ​പ്പ്, റെ​സ്റ്റാ​റ​ന്റ്, ഹ​ബ്ബ് എ​ന്നി​വ​യെ​ല്ലാം പ്ര​വ​ർ​ത്തി​ക്കു​ന്ന​ത്. ധാ​രാ​ളം സ​ഞ്ചാ​രി​ക​ൾ എ​ത്തു​ന്ന ഇ​വി​ടെ സു​ര​ക്ഷാ ക്ര​മീ​ക​ര​ണ​ങ്ങ​ളി​ല്ലാ​ത്ത​ത് ച​ർ​ച്ച​യാ​യി​ട്ടു​ണ്ട്.